ଜୁଆରେ ସ୍ତ୍ରୀକୁ ବାଜି ଲଗାଇଲା ସ୍ୱାମୀ, ଜିତିବା ପରେ ସାଙ୍ଗମାନେ କଲେ ଗଣବଳାତ୍କାର

ଜୌନପୁର : ଉତ୍ତରପ୍ରଦେଶ ଜୌନପୁରରେ ସ୍ୱାମୀ ଦ୍ୱାରା ସ୍ତ୍ରୀକୁ ଜୁଆରେ ବାଜି ଲଗାଇବା ଭଳି ଏକ ମାମଲା ସାମ୍ନାକୁ ଆସିଛି। ସ୍ୱାମୀ ଜୁଆରେ ହାରିଯିବା ପେର ତାର ସାଙ୍ଗମାନେ ସ୍ତ୍ରୀକୁ ଗଣବଳାତ୍କାର କରିଛନ୍ତି। ପୀଡ଼ିତା ଏନେଇ ଥାନାରେ ଅଭିଯୋଗ କରି ବିଫଳ ହେବା ପରେ ନ୍ୟାୟ ପାଇଁ କୋର୍ଟଙ୍କ ଆଶ୍ରୟ ନେଇଛି।
ଅଭିଯୋଗ ଅନୁଯାୟୀ ଜୁଆରେ ଟଙ୍କା ସରିଯିବା ପରେ ସ୍ୱାମୀ ନିଜ ସ୍ତ୍ରୀକୁ ବାଜି ଲଗାଇ ହାରିଯାଇଥିଲା। ଏହାପରେ ଉକ୍ତ ବ୍ୟକ୍ତିର ସାଙ୍ଗମାନେ ତାର ସ୍ତ୍ରୀକୁ ବଳାତ୍କାର କରିଥିଲେ। ପୁଲିସ ଅଭିଯୋଗ ରୁଜୁ ନକରିବାରୁ ପୀଡ଼ିତା ଜଣଙ୍କ କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି। କୋର୍ଟ ଘଟଣାକୁ ଗୁରୁତର ସହ ନେଇ ପୁଲିସକୁ ପୀଡ଼ିତାଙ୍କ ଅଭିଯୋଗ ଅନୁସାରେ ଗଣବଳାତ୍କାର ମାମଲା ରୁଜୁ କରିବାକୁ ନିର୍ଦେଶ ଦେଇଛନ୍ତି। ଏହାସହ ପୁଲିସ୍‍କୁ ଏଫଆଇଆର ରୁଜୁ କରି ତାର ନକଲ ଅଦାଲତରେ ଦାଖଲ କରିବାକୁ କହିଛନ୍ତି। ଏହି ଘଟଣା ଜାଫରାବାଦ ଥାନା ଅଞ୍ଚଳର। ପୀଡ଼ିତା ମହିଳାଙ୍କ ସ୍ୱାମୀ ଜଣେ ଜୁଆଡି। ସେ ଦିନେ ନିଜ ସାଙ୍ଗଙ୍କ ସହ ଜୁଆ ଖେଳି ସମସ୍ତ ଟଙ୍କା ହାରଯିବା ପରେ ନିଜ ସ୍ତ୍ରୀକୁ ବାଜିରେ ଲଗାଇଥିଲା। ହେଲେ ବ୍ୟକ୍ତି ଜଣକ ଜୁଆରେ ନିଜ ସ୍ତ୍ରୀକୁ ହାରିଯାଇଥିଲା। ଏହାପରେ ତାର ସାଙ୍ଗମାନେ ଜଣକ ପରେ ଜଣେ ତାର ସ୍ତ୍ରୀକୁ ବଳାତ୍କାର କରିଥିଲେ। ଏନେଇ ମହିଳା ଜଣକ ଥାନାରେ ଅଭିଯୋଗ କରିଥିଲେ ବି ପୁଲିସ୍‍ ମାମଲା ରୁଜୁ କରିବାକୁ ମନା କରିଦେଇଥିଲା। ଫଳରେ ମହିଳା ଜଣକ ଏନେଇ କୋର୍ଟଙ୍କ ନିକଟରେ ପହଞ୍ଚିଛନ୍ତି।