ନୂଆଦିଲ୍ଲୀ : ୱେଷ୍ଟଇଣ୍ଡିଜ କ୍ରିକେଟ ଦଳର ଦ୍ରୁତ ବୋଲର ଶେଲ୍ଡନ କଟ୍ରେଲ ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ଦେଶ ଭକ୍ତିକୁ ଦେଖି ପ୍ରଶଂସା କରିବା ସହ ତାଙ୍କୁ ସାଲ୍ୟୁଟ ମାରିଛନ୍ତି। କ୍ଷ ଧୋନିଙ୍କ ଟେରିଟୋରିଆଲ୍ ଆର୍ମିର ୧୦୬ତମ ପାରାସୁଟ୍ ବାଟାଲିୟନରେ ଯୋଗଦେବା କାରଣରୁ କଟ୍ରେଲ ତାଙ୍କୁ ଜଣେ ସଚ୍ଚା ଦେଶ ଭକ୍ତ ବୋଲି କହିଛନ୍ତି। ଶେଲ୍ଡନ କଟ୍ରେଲ ହେଉଛନ୍ତି ୱେଷ୍ଟଇଣ୍ଡିଜ କ୍ରିକେଟ ଦଳର ଦ୍ରୁତ ବୋଲର ଯିଏକି ଚଳିତ ବିଶ୍ବକପରେ ୱିକେଟ ନେବା ପରେ ତାଙ୍କର ନିଜ ଷ୍ଟାଇଲରେ ସେଲିବ୍ରେସନ କରି ଚଚ୍ଚାକୁ ଆସିଥିଲେ। ସେ ୱିକେଟ ନେବା ପରେ ଆର୍ମି ଷ୍ଟାଇଲରେ ସାଲ୍ୟୁଟ କରି ନିଜର ଖୁସି ଜାହିର କରୁଥିଲେ।
କଟ୍ରେଲ ନିଜର ଟ୍ବିଟର ଆକାଉଣ୍ଟରେ ଧୋନିଙ୍କର ପ୍ରଶଂସା କରିଛନ୍ତି। ସେ ଧାନିଙ୍କର ୨୦୧୮ର ଏକ ଭିଡ଼ିଓ ସେୟାର କରିଛନ୍ତି। ଯେଉଁଥିରେ ଧୋନି ରାଷ୍ଟ୍ରପତି ଭବନରେ ରାଷ୍ଟ୍ରପତିଙ୍କଠାରୁ ପଦ୍ମଭୂଷଣ ପୁରସ୍କାର ଗ୍ରହଣ କରୁଛନ୍ତି, ଯାହାକି ଦେଶର ୩ୟ ବଡ଼ ସମ୍ମାନ। ଏହି ଭିଡ଼ିଓ ସେୟାର କରି କଟ୍ରେଲ ଲେଖିଛନ୍ତି, ଏହି ବ୍ୟକ୍ତି ଜଣଙ୍କ(ମହେନ୍ଦ୍ର ସିଂହ ଧୋନି) କ୍ରିକେଟ ପାଇଁ ପ୍ରେରଣାର ଉତ୍ସ। ଏହା ସହିତ ସେ ଜଣେ ସଚ୍ଚା ଦେଶଭକ୍ତ।
ମହେନ୍ଦ୍ର ସିଂହ ଧୋନି ଭାରତୀୟ ସେନାରେ ରହି ୧୫ ଦିନିଆ ପ୍ରଶିକ୍ଷଣ ନେବେ। ସେ ଜୁଲାଇ ୩୧ ରୁ ଅଗଷ୍ଟ ୧୫ ପର୍ୟ୍ୟନ୍ତ କଶ୍ମୀରରେ ଥିବା ଟେରିଟୋରିଆଲ୍ ଆର୍ମିର ୧୦୬ତମ ପାରାସୁଟ୍ ବାଟାଲିୟନରେ ପ୍ରଶିକ୍ଷଣ ନେବେ। ଧୋନି ପାରାସୁଟ୍ ବାଟାଲିୟନରେ ଯୋଗ ଦେବାପରେ ଯବାନଙ୍କ ସହ ମିଶି ଗାର୍ଡ ଏବଂ ପାଟ୍ରୋଲିଂ ଭଳି ଦାୟିତ୍ୱ ସମ୍ଭାଳିବେ।
Comments are closed.