ନୂଆଦିଲ୍ଲୀ . – ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅନେକ ଅଲଗା ଅଲଗା ରୂପରେ ଦେଖିବାକୁ ମିଳିଛି । ଏବେ କିନ୍ତୁ ପ୍ରଧାନମନ୍ତ୍ରୀଙ୍କ ସମ୍ପୂର୍ଣ୍ଣ ଏକ ଅଲଗା ରୂପରେ ଦେଖିବାକୁ ମିଳିବ । ଡିସ୍କଭରି ଚ୍ୟାନେଲ୍ର ଲୋକପ୍ରିୟ ସୋ ”ମ୍ୟାନ ଭର୍ସେସ୍ ଓ୍ୱାଇଲ୍ଡ’ରେ ମୋଦୀଙ୍କୁ ଦେଖିବାକୁ ମିଳିବ । ସେ ଏହି ସୋର ଉପସ୍ଥାପକ ବେୟର ଗ୍ରିଲ୍ସଙ୍କ ସହ ଦେଖିବାକୁ ମିଳିବ । ସେ ଜୈବ ବିବିଧତା ଓ ପ୍ରକୃତିର ସଂରକ୍ଷଣ ବିଷୟରେ ଚର୍ଚ୍ଚା କରୁଥିବା ଦେଖିବାକୁ ମିଳିବ ।
”ମ୍ୟାନ ଭର୍ସେସ୍ ଓ୍ୱାଇଲ୍ଡ’ ସୋଅର ଉପସ୍ଥାପକ ବେୟର ଗ୍ରିଲ୍ସ ନିଜ ଟ୍ୱିଟର ଆକାଉଣ୍ଟରେ ମୋଦୀଙ୍କ ସହ ଉତ୍ତୋଳନ କରାଯାଇଥିବା ଏକ ଭିଡିଓକୁ ପୋଷ୍ଟ କରିଛନ୍ତି । ସେ ଏଥିରେ ୧୮୦ ଦେଶର ଲୋକ ମୋଦୀଙ୍କୁ ଏକ ନିଆରା ରୂପରେ ଦେଖିବାକୁ ପାଇବେ ବୋଲି ଉଲ୍ଲେଖ କରିଛନ୍ତି । ୪୫ ସେକେଣ୍ଡର ଏହି ପ୍ରମୋରେ ମୋଦୀଙ୍କର ଉପସ୍ଥାପନ ଦେଖିବା ଭଳି ହୋଇଛି । କ୍ରୀଡା ପୋଷାକରେ ସେ ଏକ ଛୋଟ ନୌକାରେ ଯାତ୍ରା କରୁଥିବା ଦେଖିବାକୁ ମିଳୁଛି । ଦେଖନ୍ତୁ ଏହି ଭିଡିଓ
People across 180 countries will get to see the unknown side of PM @narendramodi as he ventures into Indian wilderness to create awareness about animal conservation & environmental change. Catch Man Vs Wild with PM Modi @DiscoveryIN on August 12 @ 9 pm. #PMModionDiscovery pic.twitter.com/MW2E6aMleE
— Bear Grylls (@BearGrylls) July 29, 2019
ପ୍ରଧାନମନ୍ତ୍ରୀ ମୋଦୀ ଅନେକ ଦିନ ଧରି ବଣ ପାହଡ ଓ ପ୍ରକୃତି ମଧ୍ୟରେ ରହିଥିବା କଥା ଏହି ଏପିସୋଡ୍ରେ ପ୍ରକାଶ କରିଛନ୍ତି । ତାହାର ଅନେକ ପ୍ରଭାବ ତାଙ୍କ ଜୀବନ ଉପରେ ପଡିଛି । ଏଥିପାଇଁ ସେ ରାଜନୀତି ବାହାରେ ଏହି ସ୍ୱତନ୍ତ୍ର ଏପିସୋଡ୍ରେ ପ୍ରକୃତି ମଧ୍ୟରେ ଅଂଶ ଗ୍ରହଣ କରିବାପାଇଁ ଇଚ୍ଛୁକ ଥିଲେ ।
