ଜଗତସିଂହପୁର : ଜଗତସିଂହପୁର ଜିଲାର ଅନେକ ବିଦ୍ୟାଳୟରେ ଗତ ସପ୍ତାହରେ ମଧ୍ୟାହ୍ନ ଭୋଜନ ବନ୍ଦ ହୋଇଥିବା ଅଭିଯୋଗ ହୋଇଛି। ଜଗତସିଂହପୁର ଜିଲାର କେବଳ ଏରସମା ବ୍ଲକରେ ଗତକାଲି ୧୯ଟି ବିଦ୍ୟାଳୟରେ ମଧ୍ୟାହ୍ନ ଭୋଜନ ରୋଷେଇ ହୋଇନଥିବା ବେଳେ ଗୁରୁବାର ଏରସମା ବ୍ଲକର ୨୯ଟି ବିଦ୍ୟାଳୟରେ ମଧ୍ୟାହ୍ନ ଭୋଜନ ରୋଷେଇ ହୋଇନଥିବା ଜଣାପଡିଛି। ୨୯ଟି ବିଦ୍ୟାଳୟର ଗୁରୁବାର ୧୭୨୫ଜଣ କୋମଳମତୀ ପିଲା ଭୋକିଲା ପେଟରେ ବିଦ୍ୟାଳୟରେ ପାଠପଢିଥିବା ଜଣାପଡିଛି। ପ୍ରଶାସନ ଜଣେ ଦୁର୍ନୀତିଗ୍ରସ୍ତ ଚାଉଳ ଯୋଗାଣକାରୀଙ୍କୁ ଜିଲାର ବିଭିନ୍ନ ବ୍ଲକରେ ଦାୟିତ୍ୱ ଦେଇଥିବା ଯୋଗୁଁ ଅନେକ ଦିନ ଚାଉଳ ନଦେଇ ହଡପ କରିଥିବା ଜଣାପଡିଛି। ପ୍ରତ୍ୟେକ ମାସର ପ୍ରଥମ ସପ୍ତାହରେ ଚାଉଳ ନଦେଇ ମାସ ଶେଷରେ ଚାଉଳ ଯୋଗାଣ କରି ଅଭିନବ ଉପାୟରେ ଠକି ଚାଲିଛନ୍ତି। ସବୁଠାରୁ ରୋଚକ ତଥ୍ୟା ଅନୁସାରେ, ଗତ ଏପ୍ରିଲ ମାସ ୧ତାରିଖରୁ୨୧ତାରିଖ ପର୍ୟ୍ୟନ୍ତ ବିଦ୍ୟାଳୟ ଖୋଲା ଥିବା ବେଳେ ଏହି ୨୨ଦିନର ଚାଉଳ ଯୋଗାଣ ନକରି ଏରସମା ବ୍ଲକର ୨୨୧ଟି ବିଦ୍ୟାଳୟର ପାଖାପାଖି ୪ଶହ କୁଇଣ୍ଟାଲ ଚାଉଳ ହଡପ କରାଯାଇଛି ବୋଲି ଅଭିଯୋଗ ହୋଇଛି। ଜିଲା ପ୍ରଶାସନ ଠାରୁ ବ୍ଲକ ପ୍ରଶାସନ ପର୍ୟ୍ୟନ୍ତ ସମସ୍ତ ସିଷ୍ଟମ ଚାଉଳ ଯୋଗାଣକାରୀଙ୍କ ସହ ହାତ ମିଳାଇ କୋମଳମତୀ ପିଲାଙ୍କ ଖାଦ୍ୟ ହଡପ କରୁଥିବା ସ୍ପଷ୍ଟ ପ୍ରମାଣିତ ହେଉଥିବା ବେଳେ ଉଚ୍ଚସ୍ତରୀୟ ତଦନ୍ତ ଦାବି ହେଉଛି।
Popular Categories
Previous article
Next article