ନୂଆଦିଲ୍ଲୀ: ବିଜେପି ଆଜିଠାରୁ ଦେଶବ୍ୟାପୀ ସଦସ୍ୟତା ଅଭିଯାନ ଆରମ୍ଭ କରିବାକୁ ଯାଉଛି। ବାରାଣସୀଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଅଭିଯାନର ଶୁଭାରମ୍ଭ କରିବେ। ଏହାସହିତ କାଶୀଠାରୁ ମୋଦୀ ସଦସ୍ୟତା ଅଭିଯାନ ହେଲ୍ପଲାଇନର ଉଦ୍ଘାଟନ କରିବେ। କାଶୀର ଆଞ୍ଚଳିକ ମୁଖପାତ୍ର ନବରତନ ରଥି କହିଛନ୍ତି, ପ୍ରଧାନମନ୍ତ୍ରୀ ମୋଦୀ ଏଠାରେ ପହଞ୍ଚିବା ପରେ ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୁର ଶାସ୍ତ୍ରୀ ଅନ୍ତର୍ଜାତୀୟ ବିମାନବନ୍ଦରରେ ଶାସ୍ତ୍ରିଜୀଙ୍କ ଏକ ପ୍ରତିମୂର୍ତ୍ତି ଉନ୍ମୋଚନ କରିବେ। ପରେ ସେ ସ୍କୁଲ ପିଲାମାନଙ୍କୁ ଚାରା ବଣ୍ଟନ କରିବେ ଏବଂ ଆନନ୍ଦ କାନନରେ ଚାରାରୋପଣ ଅଭିଯାନର ଶୁଭାରମ୍ଭ କରିବେ।
ଏହାପରେ ମୋଦୀ ଦୀନ୍ ଦୟାଲ ଉପାଧ୍ୟାୟ ଟ୍ରେଡ୍ ଫାସିଲିଟେଶନ ସେଣ୍ଟର ଆଣ୍ଡ ମ୍ୟୁଜିୟମଠାରୁ ମୋଦୀ ବିଜେପିର ସଦସ୍ୟତା ଅଭିଯାନ ଆରମ୍ଭ କରିବେ। ଦେଶବ୍ୟାପୀ ଅଗଷ୍ଟ ୧୧ ତାରିଖ ପର୍ଯ୍ୟନ୍ତ ଏହି ଅଭିଯାନ ଜାରି ରହିବ। ବିଜେପିର ବର୍ତ୍ତମାନ ୧୧ କୋଟି ସଦସ୍ୟ ଥିବାବେଳେ ତାହାକୁ ୨୦ କୋଟିରେ ପହଞ୍ଚାଇବା ଏହି ଅଭିଯାନର ଲକ୍ଷ୍ୟ ବୋଲି ରବରତନ ରଥି କହିଛନ୍ତି।
