କାଶୀପୁର : ରାୟଗଡା ଜିଲା କାଶୀପୁର ବ୍ଲକ ଦୁଡୁକାବାଲ ପଞ୍ଚାୟତ ଅନ୍ତର୍ଗତ ମଇଲଗୁଡା ଗ୍ରାମ ନିକଟରେ ବଜ୍ରପାତରେ ଜଣେ ମହିଳାଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ମହିଳା ଗୁରୁତର ହୋଇଥିବା ଜଣାପଡ଼ିଛି। ମୃତ ମହିଳା ଜଣଙ୍କ ମଇଲଗୁଡା ଗ୍ରାମର ଆଲମେ ମାଝୀ ଏବଂ ଗୁରୁତର ହୋଇଥିବା ମହିଳା ଉକ୍ତ ଗ୍ରାମର ରୂଲମେ ମାଝୀ। ବଜ୍ରାଘାତରେ ଗୁରୁତର ମହିଳାଙ୍କୁ ସ୍ଥାନିୟ ଲୋକେ ଘଟଣା ସ୍ଥଳରୁ ଟିକିରି ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ସେମାନଙ୍କ ମଧ୍ୟରୁ ଆଲମେ ମାଝୀଙ୍କୁ ସ୍ବାସ୍ଥ୍ୟ କେନ୍ଦ୍ରର ଡାକ୍ତର ମୃତ୍ୟୁ ହୋଇଥିବା ସୂଚନା ଦେଇଥିବା ବେଳେ ଗୁରୁତର ରୂଲମେ ମାଝୀଙ୍କ ସ୍ବାସ୍ଥ୍ୟ ଅବସ୍ତା ଗୁରୁତରଥିବାରୁ ଚିକିତ୍ସା ନିମନ୍ତେ ରାୟଗଡା ଜିଲ୍ଲା ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ମିଳିଥିବା ସୁଚନା ଅନୁସାରେ, ମଇଲଗୁଡା ଗ୍ରାମର ମହିଳାମାନେ ଟିକିରିକୁ କୈଣସି କାର୍ଯ୍ୟରେ ଆସି ଫେରୁଥିବା ସମୟରେ ବର୍ଷା ହେବାରୁ ମଇଲଗୁଡା ଗ୍ରାମ ନିକଟସ୍ଥ ଏକ ଆମ୍ବ ଗଛ ନିକଟରେ ଅଟକି ରହିଥିଲେ। ଏହି ସମୟରେ ହଠାତ ବଜ୍ରପାତ ହୋଇଥିଲା।
