ଓଡିଶାରୁ ଲୋକସଭାକୁ ଯିବେ ୨୧ ସାଂସଦ

ନୂଆଦିଲ୍ଲୀ/ଭୁବନେଶ୍ୱର: ନିର୍ବାଚନ ଓ ଭୋଟ ଗଣତି ଶେଷ ହେବ ପରେ ସପ୍ତଦଶ ଲୋକସଭାରେ ପ୍ରତିନିଧିତ୍ବ କରିବା ପାଇଁ ଓଡ଼ିଶାର ଭୋଟର ୨୧ଜଣ ଜନ ପ୍ରତିନଧିଙ୍କୁ ଚୟନ କରିଛନ୍ତି। ୨୧ ଜଣଙ୍କ ମଧ୍ୟରେ ବିଜେଡିର ସର୍ବାଧିକ ୧୨ଜଣ ପ୍ରତିନିଧିତ୍ବ କରୁଥିବା ବେଳେ ବିଜେପିର ୮ ଓ କଂଗ୍ରେସର ଜଣେ ସଦସ୍ୟ ଅଛନ୍ତି। ୨୧ଜଣଙ୍କ ମଧ୍ୟରୁ ପିନାକୀ ମିଶ୍ର, ଜୁଏଲ ଓରାମ ଓ ଭର୍ତ୍ତୃହରି ମହତାବ ପୁଣି ଥରେ ଲୋକସଭାକୁ ନିର୍ବାଚିତ ହୋଇଥିବା ବେଳେ ଅନୁଭବ ମହାନ୍ତି ଏବଂ ଅଚ୍ୟୁତାନନ୍ଦ ସାମନ୍ତ ରାଜ୍ୟସଭାରେ ସଦସ୍ୟ ଥାଇ ଲୋକସଭାକୁ ନିର୍ବାଚିତ ହୋଇଛନ୍ତି।