ନୂଆଦିଲ୍ଲୀ .- ପ୍ରାକ ମୌସୁମୀ ବର୍ଷା ଯୋଗୁଁ ଦେଶରେ ଚାଲିଥିବା ଗ୍ରୀଷ୍ମ ପ୍ରବାହରୁ ସାମାନ୍ୟ ମୁକ୍ତି ମିଳିବ ବୋଲି ପାଣିପାଗ ବିଷୟରେ ସୂଚନା ଦେଉଥିବା ଅନ୍ତର୍ଜାତୀୟ ସଂସ୍ଥା ସ୍କାଏମେଟ୍ ସୂଚନା ଦେଇଛି । ଦକ୍ଷିଣ ଓଡିଶାରୁ ଛତିଶଗଡ, ଆନ୍ଧ୍ରପ୍ରଦେଶ,ତେଲେଙ୍ଗାନା ଓ କର୍ଣ୍ଣାଟକର ଆଭ୍ୟନ୍ତରୀଣ ଅଞ୍ଚଳ ମଧ୍ୟ ଦେଇ ଦକ୍ଷିଣ ପଶ୍ଚିମ ଓ ପଶ୍ଚିମର ଉଷୁମ ଓ ଆଦ୍ର ବାୟୁର ପ୍ରବାହ ରହିଛି । ଏହା ମଧ୍ୟ ପ୍ରଦେଶର ପଶ୍ଚିମ ଓ ଦକ୍ଷିଣ ପଶ୍ଚିମ ଅଂଶ ପର୍ଯ୍ୟନ୍ତ ଚଳା ଚଳ କରୁଛି । ଏହାର ପ୍ରଭାବରେ ପ୍ରାକ ମୌସୁମୀ ବର୍ଷା ହୋଇପାରେ ବୋଲି ସ୍କାଏମେଟ୍ ପୂର୍ବାନୁମାନ କରିଛି ।
ଗତ ଦୁଇ ଦିନରେ ମଧ୍ୟ ଭାରତରେ ଶୁଷ୍କ ଓ ଗରମ ବାତାବରଣ ଅନୁଭୂତ ହେଉଛି । କେତକସ୍ଥାନରେ ଗ୍ରୀଷ୍ମ ପ୍ରବାହ ପରି ସ୍ଥିତ ହୋଇଛି । ଅଂଶୁଘାତର ସମସ୍ୟା ସୃଷ୍ଟି ହୋଇଛି । ମାତ୍ର ଆସନ୍ତା ୪୮ ଘଣ୍ଟାରେ ମଧ୍ୟ ଭାରତର ଅନେକ ସ୍ଥାନରେ ବର୍ଷା ହୋଇପାରେ । ଏହାପରେ ଗ୍ରୀଷ୍ମ ପ୍ରବାହ କମିବ ବୋଲି ସ୍କାଏମେଟ ପକ୍ଷରୁ କୁହାଯାଇଛି ।
ମାତ୍ର ଗୁଜୁରାଟ, କୋଙ୍କଣ ଓ ମହାରାଷ୍ଟ୍ର ମଧ୍ୟାଞ୍ଚଳରେ ପାଣିପାଗ ଶୁଷ୍କ ରହିବ ।
Comments are closed.