ତଳେ ଟଙ୍କା ପକାଇ କ୍ୟାଶ୍‌ ଭ୍ୟାନରୁ ୫୮ ଲକ୍ଷ ଲୁଟିଲେ ଲୁଟେରା !

ହାଇଦ୍ରାବାଦ :  କ୍ୟାଶ ଭ୍ୟାନରେ ଥିବା ସୁରକ୍ଷା କର୍ମୀ ଓ କର୍ମଚାରୀଙ୍କୁ ବୋକା ବନାଇ ଲୁଟେରାମାନେ ୫୮ ଲକ୍ଷ ଟଙ୍କା ଲୁଟ କରିଥିବା  ଅଭିଯୋଗ ହୋଇଛି । ଲୁଟେରାଙ୍କ ଏକ ଦଳ ହାଇଦ୍ରାବାଦର ଏକ କ୍ୟାଶ ଭ୍ୟାନରୁ ଟଙ୍କା ଲୁଟ୍‌ କରିଛନ୍ତି ।

ଆକ୍ସିସ ବ୍ୟାଙ୍କର ଏଟିଏମ୍‌ମାନଙ୍କରେ ଜମା ହେବା ପାଇଁ ଏହି ଟଙ୍କା ଯାଉଥିଲା । ଏହି ସମୟରେ ଲୁଟେରାମାନେ କ୍ୟାଶ ଭ୍ୟାନ ନିକଟରେ ଟଙ୍କା ବିଛାଇଥିଲେ । ସେଥିରେ ଥିବା କର୍ମଚାରୀ ଓ ସୁରକ୍ଷା କର୍ମୀଙ୍କୁ ତଳେ ଟଙ୍କା ପଡିଥିବା କଥା କହିଥିଲେ । ପରେ କର୍ମଚାରୀ ଓ ସୁରକ୍ଷା କର୍ମୀ ଟଙ୍କା ଗୋଟାଉ ଥିବା ବେଳେ ଲୁଟେରାମାନେ ଟଙ୍କା ଲୁଟି ପଳାଇଥିବା ଅଭିଯୋଗ ହୋଇଛି । ମାତ୍ର ପୁଲିସ ସିସି ଟିଭି କ୍ୟାମେରାର ଭିଡିଓକୁ ଯାଞ୍ଚ କରିବା ସହ  ଘଟଣାର ତଦନ୍ତ କରୁଛି । କ୍ୟାଶ ଭ୍ୟାନର ସୁରକ୍ଷା କର୍ମୀ ଓ କର୍ମଚାରୀଙ୍କୁ ପୁଲିସ ପଚରା ଉଚରା କରିଛି ।