ବିବିଏଲରୁ ସନ୍ନ୍ୟାସ ନେଲେ ୱାଟସନ୍

ସିଡ଼ନୀ : ଅଷ୍ଟ୍ରେଲିଆ କ୍ରିକେଟ ଦଳର ପୂର୍ବତନ ଅଲରାଉଣ୍ଡର ସେନ ୱାଟସନ୍ ଅଷ୍ଟ୍ରେଲିଆନ ଟ୍ବେଣ୍ଟି-୨୦ ବିଗ୍ ବାସ ଲିଗ୍(ବିବିଏଲ)ରୁ ଶୁକ୍ରବାର ସନ୍ନ୍ୟାସ ନେଇଛନ୍ତି। ସୂଚନା ମୁତାବକ ୱାଟସନ୍ ନିଜ ପରିବାର ସହ ଗ୍ରୀଷ୍ମକାଳୀନ ଛୁଟି କାଟିବା ପାଇଁ ଏହି ନିଷ୍ପତ୍ତି ନେଇଥିବା ଜଣାପଡ଼ିଛି। ୩୭ ବର୍ଷୀୟ ୱାଟଶନ୍ ଗତ ତିନୋଟି ସିଜନରେ ବିଗ୍ ବାସ ଲିଗ୍ (ବିବିଏଲ)ର ସିଡନୀ ଥଣ୍ଡର୍ସ ଦଳରୁ ଅଧିନାୟକତ୍ବ କରୁଥିଲେ। ୱାଟଶନ୍ କହିଛନ୍ତି, ସିଡନୀ ଥଣ୍ଡର୍ସ ଦଳର ପ୍ରତିଟି ସଦସ୍ୟଙ୍କୁ ମୁଁ ଧନ୍ୟବାଦ ଜଣାଉଛି। ଗତ ଚାରୋଟି ସିଜନ୍ ମୋ ପାଇଁ ବହୁତ ଭଲ ରହିଥିଲା ଏବଂ ଯାହା ମୋ ସହ ସର୍ବଦା ରହିବ।
୨୦୧୬ମସିହାରେ ୱାଟଶନ୍ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ। ବର୍ତ୍ତମାନ ଇଣ୍ଡିଆନ ପ୍ରିମିୟମ ଲିଗ(ଆଇପିଏଲ)ରେ ସେ ଚେନ୍ନଇ ସୁପରକିଙ୍ଗସ୍ ଦଳ ତରଫରୁ ଖେଳୁଛନ୍ତି। ବିବିଏଲରେ ଓ୍ବାଟସନ୍ ୪୨ ମ୍ୟାଚ୍‌ ଖେଳି ୧୦୫୮ ରନ୍‌ କରିବା ସହ ୨୦ ଉଇକେଟ ନେଇଛନ୍ତି। ସେହିପରି ଅନ୍ତର୍ଜାତୀୟ କ୍ୟାରିୟରରେ ସେ ଅଷ୍ଟ୍ରେଲିଆ ପାଇଁ ୩୦୭ଟି ମ୍ୟାଚ୍‌ ଖେଳିଛନ୍ତି।