ମ୍ୟାଁମାର: ମ୍ୟାଁମାରର ଉତ୍ତରାଞ୍ଚଳ କାଇଚେନ ପ୍ରଦେଶର ଏକ ପଥର ଖଣିରେ ଭୂସ୍ଖଳନ ଘଟି ୫୦ ଜଣ ପ୍ରାଣ ହରାଇଛନ୍ତି। ଭୂସ୍ଖଳନ ପରେ ସେଠାରେ ସୃଷ୍ଟ ଏକ ଗର୍ତ୍ତରେ ଖଣିରେ ବିଶ୍ରାମ ନେଉଥିବା ଦୁଇଟି କମ୍ପାନୀର ୫୪ ଜଣ କର୍ମଚାରୀଙ୍କ ସହ ଶ୍ରମିକଙ୍କ ସହିତ ୪୦ଟି ଗାଡ଼ି ପୋତି ହୋଇଯାଇଛି। ମ୍ୟାଁମାର ସୂଚନା ମନ୍ତ୍ରଣାଳୟ ନିଶ୍ଚିତ କରିଛି ଯେ, ଖଣି ଭିତରେ ୫୦ରୁ ଅଧିକ ଲୋକ ଦବି ଯାଇଛନ୍ତି ଏବଂ ସେମାନେ ବଞ୍ଚିଥିବାର କୌଣସି ଆଶା ନାହିଁ। ଉଦ୍ଧାର କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ ଚାଲିଛି ଏବଂ ବର୍ତ୍ତମାନ ସୁଦ୍ଧା ୪ଟି ମୃତ ଦେହ ଉଦ୍ଧାର କରାଯାଇଛି। ସେଠାରେ ବେଆଇନ ଭାବେ ଚାଲିଥିବା ପଥର ଖଣିଗୁଡ଼ିକରେ ଅନେକ ମରଣାନ୍ତକ ଭୂସ୍ଖଳନ ଘଟୁଛି।
୨୦୧୫ ମସିହାରେ ସେହି ଅଞ୍ଚଳର ଏକ ଖଣିରେ ଦୁର୍ଘଟଣା ଘଟି ୧୦୦ରୁ ଊର୍ଦ୍ଧ୍ବ ଲୋକ ପ୍ରାଣ ହରାଇଥିଲେ। ଏଇଭଳି ବେଆଇନ ପଥର ଖଣିଗୁଡ଼ିକ ମ୍ୟାଁମାର, ଚୀନ୍ ଏବଂ ଭାରତ ସୀମାରେ ଚାଲୁଥିବା ଜଣାପଡ଼ିଛି। ୨୦୧୮ରେ ମ୍ୟାଁମାରରେ ଭୂସ୍ଖଳନ ଘଟି ୨୦ ଜଣକ ମୃତ୍ୟୁ ହୋଇଥିଲା।
