ମୁମ୍ବଇ : ସିନେଜଗତର ଅଭିଜ୍ଞ କଳାକାର ହେଲେ ଇରଫାନ୍ ଖାନ୍। ଗତ କିଛି ମାସ ହେଲା, ସେ ବିଦେଶରେ ଚିକିତ୍ସିତ ହେଉଥିଲେ। କର୍କଟରେ ଆକ୍ରାନ୍ତ ଇରଫାନ୍ ନିଜେ ଏହି ବାର୍ତ୍ତା ପ୍ରଶଂସକଙ୍କୁ ସୋସିଆଲ ସାଇଟ୍ ଜରିଆରେ ଦେଇଥିଲେ। ବିଦେଶରେ ସେ ଥିବା ସମୟରେ ତାଙ୍କ ଅଭିନୀତ କେତୋଟି ଚଳଚ୍ଚିତ୍ର ମୁକ୍ତିଲାଭ କରିଥିଲା। ସେସବୁ ବକ୍ସଅଫିସ୍ରେ ଉତ୍ତମ ବ୍ୟବସାୟ ମଧ୍ୟ କରିଥିଲା। ଇରଫାନ୍ଙ୍କ ଜଣେ ଘନିଷ୍ଠ ବନ୍ଧୁ କହିଥିଲେ, ସେ ଶୀଘ୍ର ଆରୋଗ୍ୟ ହେବାର ଆଶା ଦେଖାଯାଉନି। ପ୍ରଶଂସକ ମହଲରେ ଖବରଟି ପ୍ରଚାରିତ ହେବା ପରେ ନିରାଶାର ଛାୟା ଖେଳିଯାଇଥିଲା। ମଙ୍ଗଳବାର ଇରଫାନ୍ ମୁମ୍ବଇ ବିମାନବନ୍ଦରରୁ ଫେରୁଥିବା ସମୟରେ ଫଟୋଗ୍ରାଫରଙ୍କ ଦୃଷ୍ଟିକୁ ଆସିଲେ। କିଛି ସମୟ ସେଠାରେ ଉପସ୍ଥିତ ରହି ଗଣମାଧ୍ୟମ ସହ ବାର୍ତ୍ତାଳାପ କରି ଇରଫାନ୍ କହିଥିଲେ, ଆପଣମାନଙ୍କ ଶୁଭକାମନାରେ ମୁଁ ଫେରିଆସିଛି। ବହୁତ ଧନ୍ୟବାଦ ଜଣାଇ ଇରଫାନ୍ ପତ୍ନୀଙ୍କ ସହିତ କାର୍ରେ ବସି ଘରକୁ ଯାଇଥିଲେ।
Comments are closed.