ଗୁଡ ପରଟା

ଆବଶ୍ୟକ ସାମଗ୍ରୀ :

ଅଟା – ୨କପ

ଲୁଣ – ସ୍ବାଦାନୁଯାୟୀ

ପାଣି – ଆବଶ୍ୟକ ଅନୁଯାୟୀ

ଘିଅ – ଆବଶ୍ୟକ ଅନୁଯାୟୀ

ପୂର ପ୍ରସ୍ତୁତ ପାଇଁ ସାମଗ୍ରୀ :

ବାଦାମ ଗୁଣ୍ଡ – ୧ଚାମଚ

ଗୁଜୁରାତି ଗୁଣ୍ଡ – ୧ଚାମଚ

ଗୁଡ – ୧ କପ

ଲହୁଣୀ – ଅଧ କପ

ପ୍ରସ୍ତୁତ ପ୍ରଣାଳୀ :

ପ୍ରଥମେ ଏକ ପାତ୍ରରେ ଅଟା, ଲୁଣ ଔ ଦୁଇ ଚାମଚ ଘିଅ ପକାଇ ଭଲ ଭାବେ ମିଶାଇ କିଛି ସମୟ ରଖି ଦିଅନ୍ତୁ। ତାପରେ ସେଥିରେ ପାଣି ଦେଇ ଚକଟି ଦିଅନ୍ତୁ। ଅଟା ଚକଟି ୧୫ମିନିଟ ଘୋଡାଇ ରଖନ୍ତୁ। ପୂର ପ୍ରସ୍ତୁତ କରିବା ପାଇଁ ଗୋଟି, ପାତ୍ରରେ ବାଦାମ ଗୁଣ୍ଡ, ଗୁଜୁରାତି ଗୁଣ୍ଡ ଓ ଗୁଡକୁ ଭଲ ଭାବେ ମିଶାଇ ଦିଅନ୍ତୁ। ଅଟାକୁ ନେଇ ବଲ ପରି କରନ୍ତୁ। ତାପରେ ବଲଗୁଡିକୁ ବେଲି ଦିଅନ୍ତୁ। ସେଥିରେ ଗୁଡର ମିଶ୍ରଣ ଭର୍ତ୍ତି କରି ଭଲ ଭାବେ ଚାରି ପଟୁ ମୋଡି ପୁଣି ବେଲନ୍ତୁ। ଅଳ୍ପ ତେଲ ଦେଇ ଏହି ପରଟାକୁ ବେଲିବା ଉଚିତ। ଗ୍ୟାସରେ ତାୱା ବସାଇ ଗରମ କରନ୍ତୁ। ତାୱା ଗରମ ହୋଇଗଲା ପ​‌ରେ ସେଥିରେ ବେଲିଥିବା ପରଟାକୁ ପକାଇ ଅଳ୍ପ ତେଲ ଦେଇ ସେକନ୍ତୁ। ଉଭୟ  ପାର୍ଶ୍ବ ଭଲ ଭାବେ ସେକି ହୋଇଗଲା ପରେ ତାହାକୁ ଏକ ପାତ୍ରକୁ କାଢି ଦିଅନ୍ତୁ। ପ୍ରସ୍ତୁତ ହୋଇଗଲା ଆପଣଙ୍କ ଗୁଡ ପରଟା। ଏହାକୁ ଲହୁଣି ସହ ଖାଇ ପାରିବେ।