ସୌରମଣ୍ଡଳରେ ସୂର୍ଯ୍ୟର ମହତ୍ତ୍ବ ସମ୍ପର୍କରେ ପ୍ରାୟ ସମସ୍ତେ ପରିଚିତ । ସୂର୍ଯ୍ୟ ବିନା ଜୀବନ ପରିକଳ୍ପନା କରିବା ଅସମ୍ଭବ । ଥରେ ଚିନ୍ତା କରନ୍ତୁ ତ ଯଦି ସୌରମଣ୍ଡଳରୁ ହଠାତ୍ ସୂର୍ଯ୍ୟ ଉଭାନ୍ ହୋଇଯିବ ତେବେ କ’ଣ ହେବ ? ଏହାର ଉତ୍ତର ସୂର୍ଯ୍ୟର ଉପଯୋଗିତାରୁ ମିଳିପାରିବ ।
ସୌରମଣ୍ଡଳର ସମସ୍ତ ଗ୍ରହ ସୂର୍ଯ୍ୟର ପରିକ୍ରମା କରିଥାଆନ୍ତି । ସୂର୍ଯ୍ୟର ମହାକର୍ଷଣ ଶକ୍ତି ଗ୍ରହଗୁଡିକୁ ନିଜ ଆଡକୁ ଭିଡି ରଖିଥାଏ । ଏହା ହେଉଛି ଗ୍ରହ ଗୁଡିକର ପରିକ୍ରମାର ପ୍ରମୁଖ୍ୟ କାରଣ । ଏକ ସମାନ୍ତରଳ ଦୂରତାରେ ଗ୍ରହ ଗୁଡିକ ପରିକ୍ରମରା କରୁଥିବାରୁ ସୂର୍ଯ୍ୟକୁ ଛୁଇଁ ପାରିବେ ନାହିଁ । ଯଦି ଗ୍ରହ ଗୁଡିକର ଗତିକୁ ରୋକା ଯାଇପାରିବ ତେବେ ଗ୍ରହ ଗୁଡିକ ସୂର୍ଯ୍ୟ ଆଡକୁ ଆକର୍ଷିତ ହୋଇ ସୂର୍ଯ୍ୟରେ ଲିନ୍ନ ହୋଇଯିବେ । ଏହା ଦ୍ବାରା ଗ୍ରହ ଗୁଡିକର ଅସ୍ତିତ୍ବ ରହିବ ନାହିଁ । ତେଣୁ ଏହାର ପରିଣାମ ପୃଥିବୀ ପୃଷ୍ଠ ପାଇଁ କ୍ଷତିକାରକ ହୋଇପାରିବ । ଯଦି କୌଣସି ଅଜଣା କାରଣ ପାଇଁ ସୂର୍ଯ୍ୟ ହଠାତ୍ ଉଭାନ ହୋଇଯିବେ ତେବେ ସୂର୍ଯ୍ୟକୁ ପରିକ୍ରମା କରୁଥିବା ଗ୍ରହ, ଉପଗ୍ରହ ଏବଂ ଧୁମକେତୁର ଅବସ୍ଥା କ’ଣ ହେବ , ତାହା ଭାବିବା କଷ୍ଟକର । ତେବ ମହାକର୍ଷଣ ଶକ୍ତି ନଥିବା ଯୋଗୁ ଗ୍ରହ ଓ ଉପଗ୍ରହ ଗୁଡିକ କେଉଁଆଡେ ଚାଲିଯିବେ ତାହା ଜଣାପଡିବ ନାହିଁ ।
ସୌରଜଗତରୁ ସୂର୍ଯ୍ୟ ଉଭାନ୍ ହୋଇଗଲେ ଗ୍ରହ ଗୁଡିକ ପରସ୍ପର ମଧ୍ୟରେ ଧକ୍କା ହୋଇ ଧ୍ବଂସ ହୋଇଯିବେ ।
ଗ୍ରହଗୁଡିକ ଏକ ପରିକ୍ରମା ଦୂରତ୍ବରେ ଗତି କରୁଥିବା ବେଳେ ସୌର ମଣ୍ଡଳରୁ ବାହାରକୁ ଚାଲିଯିବେ ।
ପୃଥିବୀ ପୃଷ୍ଠ ସୂର୍ଯ୍ୟ କିରଣର ଗରମକୁ ଧରି ରଖିଥାଏ, ଯାହା ଦ୍ବାରା ଜୀବଜଗତ ଶୀଘ୍ର ନଷ୍ଟ ହୋଇନଥାଏ । ସୂର୍ଯ୍ୟ ନ ରହିଲେ ପୃଥିବୀ ଥଣ୍ଡା ପଡିଯିବ, ସେହି କ୍ରମରେ ପୃଥିବୀ ପୃଷ୍ଠରୁ ଜୀବଜନ୍ତୁଙ୍କ ଅସ୍ତିତ୍ବ ଲୋପ ପାଇଯିବ ।
ପୃଥିବୀ ପୃଷ୍ଠରେ ଅନ୍ଧରା ହୋଇଯିବ । ବୃକ୍ଷ ଓ ଜୀବଜନ୍ତୁଙ୍କ ଜୀବନ ଧାରଣ କ୍ଷମତା ରହିବ ନାହିଁ ।
ପୃଥିକୀ ପୃଷ୍ଠରେ ଥଣ୍ଡା ଅଧିକ ମାତ୍ରାରେ ବଢିଯିବ । ସୂର୍ଯ୍ୟ କିରଣ କମିବା ଯୋଗୁଁ ଜୀବଜନ୍ତୁ ବଞ୍ଚିବା ଅସମ୍ଭବ ହୋଇଯିବ । କିଛି ଦିନରେ ତାପମାତ୍ରା ଶୂନ୍ୟରୁ ବିଯୁକ୍ତ ୧୦୦ ଡିଗ୍ରୀ ତଳକୁ ଖସିଯିବ ।
ପୃଥିବ ପୃଷ୍ଠରେ କିଛି ସୂକ୍ଷ୍ମ ଜୀବ ବ୍ୟତିତ ଅନ୍ୟ କୌଣସି ଜୀବ ବଞ୍ଚିବା ସମ୍ଭବ ହେବ ନାହିଁ ।
