କଳାପଥର(ବାଙ୍କୀ) : ଧଳାପଥର ରାଜସ୍ୱ ନିରିକ୍ଷକ କାର୍ଯ୍ୟାଳୟ ଅଧିନସ୍ଥ ଆରିକମା ଗ୍ରାମରେ ଅଗ୍ନିକାଣ୍ଡ ଘଟି ୨ ବଖରା ଭସ୍ମୀଭୂତ ହେବାସହ ୨ ଲକ୍ଷ ଟଙ୍କାର ସଂମ୍ପତ୍ତି ପୋଡି ନଷ୍ଟ ହୋଇଯାଇଛି। ମଧ୍ୟାହ୍ନରେ ବିଦ୍ୟୁତ୍ ସଟ୍ ସର୍କ୍କିଟ ଘଟି ସରୋଜ କୁମାର ପରିଡାଙ୍କ ଆରିକମା-ରାଜ ସୁନାଖଳା ରାସ୍ତା କଡ ଆରିକମା ପଞ୍ଚାୟତ ସମ୍ମୁଖରେ ଥିବା ଦୁଇ ବଖରା ଘର ପୋଡି ପାଉଁଶ ହୋଇଯାଇଛି। ଏଥିରେ ଧାନ,ଚାଉଳ,ବିରି,ମୁଗ,କଂସାବାସନ ସହ ଆସବାପତ୍ର ଏବଂ ମୂଲ୍ୟବାନ କାଠ ସାମଗ୍ରୀ ପୋଡି ପାଉଁଶ ହୋଇଯାଇଛି। ଯାହାର ମୁଲ୍ୟ ୨ ଲକ୍ଷ ଟଙ୍କାରୁ ଉର୍ଦ୍ଧ ହେବ ବୋଲି ଅନୁମାନ କରାଯାଉଛି। ଖବର ପାଇ କଳାପଥର ଅଗ୍ନିଶ୍ରମ କେନ୍ଦ୍ରର କର୍ମ୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ। ବିପନ୍ନଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନା ଯୋଗାଇ ଦେବାକୁ ଗ୍ରାମବାସୀ ଦାବୀ କରିଛନ୍ତି।
