କଲକାତା : ନିର୍ବାଚନ ଆଚରଣବିଧି ଉଲ୍ଲଙ୍ଘନ କରିବା ନେଇ ବିଜେପି ନେତା ବବୁଲ ସୁପ୍ରିୟୋଙ୍କୁ ଭାରତ ନିର୍ବାଚନ ଆୟୋଗ (ଇସିଆଇ) କାରଣ ଦର୍ଶାଅ ନୋଟିସ ଜାରି କରିଛନ୍ତି। ଅତିରିକ୍ତ ମୁଖ୍ୟ ନିର୍ବାଚନ ଅଧିକାରୀ ସଞ୍ଜୟ ବସୁ କହିଛନ୍ତି ବବୁଲ ନିର୍ବାଚନ ପ୍ରଚାର ପାଇଁ ବ୍ୟବହାର କରିଥିବା ଗୀତ ଆଚରଣ ବିଧି ଉଲ୍ଲଙ୍ଘନ କରୁଛି। ପ୍ରଚାର ଗୀତକୁ ବ୍ୟବହାର ପୂର୍ବରୁ ଇସିଙ୍କ ଅନୁମୋଦନ ନେଇ ନାହାନ୍ତି। ଏ ସମ୍ପର୍କରେ ବିରୋଧୀ ତୃଣମୂଳ କଂଗ୍ରେସ ପକ୍ଷରୁ ଅଭିଯୋଗ ହେବା ପରେ ତାଙ୍କୁ ନୋଟିସ ଜାରି କରାଯାଇଛି।
