ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆତ୍ମଜୀବନୀ ଉପରେ ଆଧାରିତ ଚଳଚ୍ଚିତ୍ର ‘ପିଏମ ନରେନ୍ଦ୍ର ମୋଦୀ’ ଆଗାମୀ ଏପ୍ରିଲ ୧୨ରେ ମୁକ୍ତିଲାଭ କରିବ ବୋଲି ଶୁକ୍ରବାର ଏହାର ପ୍ରଯୋଜକମାନେ ଘୋଷଣା କରିଛନ୍ତି। ସନ୍ଦିପ ସିଂହ, ଆନନ୍ଦ ପଣ୍ଡିତ ଓ ସୁରେଶ ଓବରଏଙ୍କ ଦ୍ବାରା ପ୍ରଯୋଜିତ ଏହି ଚଳଚ୍ଚିତ୍ରରେ ଅଭିନେତା ବିବେକ ଓବରଏ ବିଜେପି ନେତା ତଥା ପ୍ରଧାନମନ୍ତ୍ରୀ ମୋଦୀଙ୍କ ଭୂମିକାରେ ଅବତୀର୍ଣ୍ଣ ହୋଇଛନ୍ତି। ବିଜେପି ନେତୃତ୍ବାଧୀନ କେନ୍ଦ୍ର ସରକାର ୨୦୧୯ ଲୋକସଭା ନିର୍ବାଚନ ପରେ ପୁନଃ କ୍ଷମତାକୁ ଫେରିବାକୁ ଉଦ୍ୟମ ଚଳାଇଥିବା ବେଳେ ଦଳ ମୋଦୀଙ୍କୁ ଏହାର ପ୍ରଧାନମନ୍ତ୍ରୀ ପ୍ରାର୍ଥୀ ଘୋଷଣା କରିଛି। ଏପ୍ରିଲ ୧୧ରେ ପ୍ରଥମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବାକୁ ଯାଉଥିବା ବେଳେ ଏହା ପରଦିନ ଏହି ଚଳଚ୍ଚିତ୍ରର ମୁକ୍ତିଲାଭ କରାଇବାକୁ ପ୍ରଯୋଜକମାନେ ସ୍ଥିର କରିଛନ୍ତି। ଜାନୁଆରୀ ୨୮ରେ ଏହି ଚଳଚ୍ଚିତ୍ର ସୁଟିଂ କାର୍ଯ୍ୟ ଆରମ୍ଭ ହୋଇଥିଲା। ଉତ୍ତରାଖଣ୍ଡ ଓ ମୁମ୍ବଇରେ ଏହାର ସୁଟିଂ କରାଯାଇଛି। ଏଥିରେ ଅଭିନେତ୍ରୀ ଜରିନା ୱାହାବ ମୋଦୀଙ୍କ ମା’ ହୀରାବେନ, ବରଖା ବିଷ୍ଟ ମୋଦୀଙ୍କ ପରିତ୍ୟକ୍ତ ପତ୍ନୀ ଯଶୋଦାବେନ ଓ ମନୋଜ ଯୋଶୀ ବିଜେପି ଅଧ୍ୟକ୍ଷ ଅମିତ ଶାହାଙ୍କ ଭୂମିକା ନିର୍ବାହ କରିଛନ୍ତି।
Popular Categories
Previous article
Next article