ମୁମ୍ବଇ : ବଲିଉଡ଼ର ଏକାଧିକ ପ୍ରସିଦ୍ଧ କଳାକାରଙ୍କ ଅଭିନୀତ ଚଳଚ୍ଚିତ୍ର ‘କଳଙ୍କ’ର ଟିଜର ମଙ୍ଗଳବାର ମୁକ୍ତିଲାଭ କରିଛି। ୨ ମିନିଟ୍ ୫ ସେକେଣ୍ଡର ଏହି ଟିଜରରେ ଚଳଚ୍ଚିତ୍ର କାହାଣୀ ବିଷୟରେ ସମ୍ୟକ୍ ଧାରଣା ଦିଆଯାଇଛି। ଏଥିରେ ସଞ୍ଜୟ ଦତ୍ତ, ମାଧୁରୀ ଦୀକ୍ଷିତ୍, ଆଲିୟା ଭଟ୍ଟ, ବରୁଣ ଧାୱନ, ସୋନାକ୍ଷୀ ସିହ୍ନା ଓ ଆଦିତ୍ୟ ରୟ କୁପରଙ୍କୁ ଏକାଠି ଦେଖିବାକୁ ମିଳିବ। କରଣ ଜୋହର ଓ ସାଜିଦ୍ ନାଡ଼ିଆଦୱାଲାଙ୍କ ପ୍ରଯୋଜନାରେ ନିର୍ମିତ ଏହି ଚଳଚ୍ଚିତ୍ରର ନିର୍ଦ୍ଦେଶନା ଭାର ଅଭିଷେକ ବର୍ମନ ବହନ କରିଛନ୍ତି। ଏହି ଚଳଚ୍ଚିତ୍ର ଚଳିତ ବର୍ଷ ୧୭ ଏପ୍ରିଲରେ ମୁକ୍ତିଲାଭ କରିବ।
