ବାରାକୋଟ : ସୁନ୍ଦରଗଡ-ଦେବଗଡ ଜିଲା ସୀମାନ୍ତବର୍ତ୍ତୀ ବାରାକୋଟ ଥାନା ଅନ୍ତର୍ଗତ ଖୁଣ୍ଡୁଲିପାଣି ଗ୍ରାମରେ ଏକ ଦୁର୍ଘଟଣା ହୋଇଥିବା ଜଣାପଡିଛି। ସୂଚନା ଅନୁସାରେ ଏକ ଲୁହା ବୋଝେଇ ଟ୍ରକ ଓଲଟି ୩ଜଣଙ୍କର ମୃତ୍ୟୁ ହୋଇଛି। ଏହି ଦୁର୍ଘଟଣାରେ ୫ଜଣ ଗୁରୁତର ହୋଇଛି। ଆହତ ମାନଙ୍କୁ ନିକଟସ୍ଥ ବାରାକୋଟ ଡାକ୍ତରଖାନାରେ ଭର୍ତ୍ତି କରାଯାଇଛି। ବାରାକୋଟ ଥାନା ଅନ୍ତର୍ଗତ ପୁରୁଣାପାଣି ଗ୍ରାମର ଏକ ବାଦ୍ୟ ଦଳ ବଜାଇବାକୁ ଯାଇଥିଲେ। ରବିବାର ଏହି ବାଦ୍ୟ ଦଳ ଏକ ଲୁହା ବୋଝେଇ ଟ୍ରକରେ ଫେରୁଥିବା ସମୟରେ ଗାଡିଟି ଦୁର୍ଘଟଣା ଗ୍ରସ୍ତ ହୋଇଥିଲା।
