ପୁରୀ: ଚନ୍ଦନପୁର ନାବାଳିକା ଗଣଦୁଷ୍କର୍ମ ମାମଲାରେ ଦୁଇ ଜଣଙ୍କୁ ଗିରଫ କରାଯାଇଛି। ସମ୍ପର୍କୀୟ ଭାଇ ଓ ଦାଦାଙ୍କୁ ଚନ୍ଦନପୁର ପୁଲିସ୍ ଗିରଫ କରିଥିବା ସୂଚନା ମିଳିଛି। ସୂଚନା ମୁତାବକ ଗତ ବୁଧବାର କାଳୀପୂଜା ଭସାଣି ଦେଖିବାକୁ ପରିବାର ଲୋକେ ଯାଇଥିବାବେଳେ ନାବାଳିକା ଜଣକ ଘରେ ଏକା ଶୋଇଥିଲେ। ଅଭିଯୁକ୍ତଦ୍ୱୟ ରାତି ପ୍ରାୟ ୨ଟା ପରେ ଘରେ ପଶି ବଳପୂର୍ବକ ନାବାଳିକାଙ୍କୁ ବଳାତ୍କାର କରିଥିଲେ। ଶୁକ୍ରବାର ମା’ଙ୍କ ସହ ନାବାଳିକା ଥାନାରେ ପହଞ୍ଚି ଅଭିଯୁକ୍ତଙ୍କ ବିରୋଧରେ ଲିଖିତ ଅଭିଯୋଗ କରିଥିଲେ। ପୁଲିସ ଏକ ମାମଲା ରୁଜୁ କରି ଅଭିଯୁକ୍ତଦ୍ୱୟଙ୍କୁ କାବୁ କରିଥିଲା। ଏସଡିପିଓ ରବି ନାରାୟଣ ଭଞ୍ଜ ଏବଂ ଫରେନ୍ସିକ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ। ଆଜି ଉଭୟଙ୍କୁ ଗିରଫ କରାଯାଇଥିବା ନେଇ ସୂଚନା ମିଳିଛି।
Popular Categories
Previous article
Next article