ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ମଧ୍ୟରେ ପ୍ରାୟ ଅଢେଇ ଘଣ୍ଟା ଧରି ଫୋନରେ ଆଲୋଚନା ହୋଇଛି । ଦୁଇ ରାଷ୍ଟ୍ରମୁଖ୍ୟ ରୁଷ-ୟୁକ୍ରେନ ଯୁଦ୍ଧର ଅନ୍ତ, ଆମେରିକା ଅସ୍ତ୍ରଶସ୍ତ୍ର ଯୋଗାଣ ଏବଂ ଦ୍ୱିପାକ୍ଷିକ ବାଣିଜ୍ୟ ସମେତ ଅନେକ ବିଷୟ ଉପରେ ଆଲୋଚନା କରିଥିଲେ । ପୁଟିନ୍ ଗାଜା ଶାନ୍ତି ଚୁକ୍ତିନାମା ପାଇଁ ଟ୍ରମ୍ପଙ୍କୁ ମଧ୍ୟ ଅଭିନନ୍ଦନ ଜଣାଇଥିଲେ । ଫୋନ୍ କଲ୍ ପରେ ରାଷ୍ଟ୍ରପତି ଟ୍ରମ୍ପ ତାଙ୍କ ଏକ୍ସ ଆକାଉଣ୍ଟରେ ଏକ ପୋଷ୍ଟରେ ପୁଟିନଙ୍କ ସହ ତାଙ୍କର କଥାବାର୍ତ୍ତା ସେୟାର କରିଥିଲେ ।
ଟ୍ରମ୍ପ କହିଛନ୍ତି ଯେ ସେ ରାଷ୍ଟ୍ରପତି ପୁଟିନଙ୍କ ସହ ଏକ ଫୋନ୍ କଲ୍ ରେ ୟୁକ୍ରେନ୍ ସହ ଯୁଦ୍ଧ ସମାପ୍ତ ବିଷୟରେ ଆଲୋଚନା କରିଛନ୍ତି । ପୁଟିନ ଯୁଦ୍ଧର ବର୍ତ୍ତମାନ ସ୍ଥିତି ବ୍ୟାଖ୍ୟା କରିଛନ୍ତି ଏବଂ ଚତାବନୀ ଦେଇଛନ୍ତି ଯେ ୟୁକ୍ରେନକୁ କ୍ଷେପଣାସ୍ତ୍ର ପ୍ରଦାନ କରିବା ଦ୍ୱାରା ଯୁଦ୍ଧର ଗତି ପରିବର୍ତ୍ତନ ହେବ । ୟୁକ୍ରେନ ରାଷ୍ଟ୍ରପତି ଜେଲେନ୍ସକି କ୍ଷେପଣାସ୍ତ୍ର ଦାବି କରୁଛନ୍ତି ଏବଂ ଏକ ଚୁକ୍ତି ଲାଗି ଆଲୋଚନା ପାଇଁ ୱାଶିଂଟନରେ ପହଞ୍ଚିଛନ୍ତି । ଯଦି ୟୁକ୍ରେନ ଟୋମାହକ୍ କ୍ଷେପଣାସ୍ତ୍ର ପାଏ, ତେବେ ଏହା ଆମେରିକା-ରୁଷ ସମ୍ପର୍କକୁ ପ୍ରଭାବିତ କରିବ ।
#WATCH | Washington DC | On being asked about possibility of meeting with Russian President Vladimir Putin, US President Donald Trump says, “In two weeks or so… Marco Rubio will be meeting with his counterpart Sergey Lavrov… It was a very productive phone call (with Russian… pic.twitter.com/IdtBcgwk58
— ANI (@ANI) October 16, 2025
