ନୂଆଦିଲ୍ଲୀ: ନେପାଳରେ ଘଟିଥିବା ହିଂସାର ସୁଯୋଗ ନେଇ ସେଠାକାର ଜେଲ୍ରୁ ଚମ୍ପଟ ମାରିଥିବା ୭୯ କଏଦୀ ଭାରତ ସୀମାରେ ଧରାପଡିଛନ୍ତି। ଏମାନଙ୍କ ମଧ୍ୟରେ ୪ ଜଣ ବିଦେଶୀ କଏଦୀ ସାମିଲ ଅଛନ୍ତି। ଏହି କଏଦୀମାନେ ଉତ୍ତର ପ୍ରଦେଶ, ବିହାର ଓ ପଶ୍ଚିମବଙ୍ଗ ସଂଲଗ୍ନ ନେପାଳ ସୀମା ଅତିକ୍ରମ କରୁଥିବାବେଳେ ଏସଏସବି (ସଶସ୍ତ୍ର ସୀମା ବଳ) ଯବାନଙ୍କ ହାତରେ ଧରାପଡିଛନ୍ତି। ଏମାନଙ୍କର ବୟସ ୨୯ରୁ ୪୦ ବର୍ଷ ମଧ୍ୟରେ ବୋଲି ଜଣାପଡିଛି। ଅଭିଯୁକ୍ତମାନେ ସୀମାରେ ବୈଧ ପରିଚୟ ପତ୍ର ଦେଖାଇବାରେ ବିଫଳ ହେବାରୁ ସେମାନଙ୍କୁ ଗିରଫ କରାଯାଇଛି। ଇତିପୂର୍ବରୁ ନେପାଳ ଜେଲରୁ ଚମ୍ପଟ ମାରିଥିବା ଅଞ୍ଜିଲା ଖାତୁନ ନାମ୍ନୀ ଜଣେ ମହିଳା କଏଦୀ ପଶ୍ଚିମବଙ୍ଗରୁ ଗିରଫ ହୋଇସାରିଥିବା କୁହାଯାଇଛି। ସୂଚନାଯୋଗ୍ୟ ଚଳିତମାସ ୮ରେ ନେପାଳରେ ଜେନ୍ ଜେଡ୍ ସଂଗଠନ ପକ୍ଷରୁ ବିକ୍ଷୋଭ ପ୍ରଦର୍ଶିତ ହୋଇଥିବାବେଳେ ବ୍ୟାପକ ପୋଡାଜଳା ଘଟିଥିଲା।
Popular Categories
Previous article
Next article