ବିଜେପି ଛାଡିଲେ ପୂର୍ବତନ ବିଧାୟକ ମୁକୁନ୍ଦ ସୋଡି, ଆସନ୍ତା କାଲି ବିଜେଡିରେ ଯୋଗଦେବେ

ମାଲକାନଗିରି : ମାଲକାନଗିରି ପୂର୍ବତନ ବିଧାୟକ ତଥା ବରିଷ୍ଠ ବିଜେପି ନେତା ମୁକୁନ୍ଦ ସୋଡିଙ୍କ ଘର ବାହୁଡା ହୋଇଛିା ଗୁରୁବାର ସେ ବିଜେପି ପଦରୁ ଇସ୍ତଫା ଦେଇଥିବା ବେଳେ ଆସନ୍ତା କାଲି ଆନୁଷ୍ଠାନିକ ଭାବେ ନବୀନ ନିବାସରେ ବିଜେଡିରେ ଯୋଗ ଦେବେ ବୋଲି ସୂଚନା ମିଳିଛିା ଗୁରୁବାର ସୋଡି ରାଜ୍ୟ ବିଜେପି ସଭାପତିଙ୍କୁ ତାଙ୍କ ବ୍ୟକ୍ତିଗତ କାରଣରୁ ଇସ୍ତଫା ଦେଉଥିବା ଓ ଦଳର ସମସ୍ତ ସଦସ୍ୟ ପଦ ଏବଂ ଅନ୍ୟାନ୍ୟ ପଦ ଗୁଡିକୁ ମଧ୍ୟ ଇସ୍ତଫା ଦେଉଥିବା ନେଇ ଏକ ପତ୍ରରେ ଜଣାଇଛନ୍ତିା ୨୦୦୯ ମସିହାରେ ବିଜେଡିରେ ଟିକଟ ପାଇ ମାଲକାନଗିରି ବିଧାନସଭା ବିଧାୟକ ଭାବେ ନିର୍ବାଚିତ ହୋଇଥିଲ। ପରେ ୨୦୧୪ରେ ତାଙ୍କ ବଦଳରେ ମାନସ ମାଡକାମିଙ୍କୁ ଦଳ ଟିକଟ ଦେଇଥିଲ। ଏଣୁ ସେ ୨୦୧୬ ମସିହାରେ ବିଜେପିରେ ଯୋଗ ଦେଇଥିଲୋ ତେବେ ପୁନର୍ବାର ତାଙ୍କ ଘର ବାହୁଡା ହୋଇଥିବା ଚର୍ଚ୍ଚା ହେଉଛି। ତେବେ ଅନ୍ୟ ପକ୍ଷରେ ଏଥିନେଇ ମାଲକାନଗିରି ବିଜେପି ସଭାପତି ଅଶୋକ ପରିଡାଙ୍କୁ ପଚାରିବାରୁ ଶ୍ରୀ ସୋଡିଙ୍କ ଦଳ ତ୍ୟାଗ କରିବାରେ କୌଣସି ପ୍ରଭାବ ପଡିବ ନାହିଁ ଏବଂ ନରେନ୍ଦ୍ର ମୋଦୀଙ୍କୁ ଲୋକେ ଏବେବି ସମର୍ଥନ କରୁଛନ୍ତି। ଆସନ୍ତା ସାଧାରଣ ନିର୍ବାଚନରେ ଦୁଇଟି ନିର୍ବାଚନ ମଣ୍ଡଳୀକୁ ବିଜେପିକୁ ସମର୍ଥନ କରି ଲୋକେ ଜିତାଇବେ ବୋଲି ସେ କହିଛନ୍ତିା ତେବେ ମୁକୁନ୍ଦ ସୋଡି ବହୁ ପୂର୍ବରୁ ବିଜେଡିରେ ମିଶିବା ନେଇ କଳ୍ପନା ଜଳ୍ପନାର ଅବସାନ ଘଟିଛି। ତେବେ ଆଗାମୀ ଦିନରେ ଦଳ ପକ୍ଷରୁ ତାଙ୍କୁ କେଉଁ ପଦବୀ ଦିଆ ଯିବ ନା ପୁନର୍ବାର ବିଧାନସଭା ପ୍ରାର୍ଥୀ କରିଯିବ ତାକୁ ନେଇ ମଧ୍ୟ ଚର୍ଚ୍ଚା ଜୋର ଧରିଛିା ତେବେ ମୁକୁନ୍ଦ ସୋଡିଙ୍କ ବିଜେଡିରେ ମିଶିବା ନେଇ ଖବର ପ୍ରସାର ହେବା ପରେ ତାଙ୍କ ସମର୍ଥକଙ୍କ ମଧ୍ୟରେ ଉତ୍ସାହ ବଢିଥିବା ବେଳେ ଆସନ୍ତା କାଲି ମୁକୁନ୍ଦଙ୍କ ଯୋଗଦାନ ପର୍ବରେ ଜିଲ୍ଲାର ବହୁ ନେତା ଭୁବନେଶ୍ୱର ଯାଇଥିବା ଜଣାପଡିଛିା