ଅନୁଗୁଳ: ଅନୁଗୁଳ ବ୍ଲକ ପୁରୁଣାକୋଟ ଗ୍ରାମରେ ସାପ କାମୁଡାରେ ଜଣେ ନାବାଳକର ମୃତ୍ୟୁ ହୋଇଛି। ମିଳିଥିବା ଖବର ଅନୁସାରେ ପୁରୁଣାକୋଟ ଗ୍ରାମର ଚେରୁ ନାୟକଙ୍କ ୧୨ ବର୍ଷର ପୁଅ ଚନ୍ଦନ ନାୟକ ତାଙ୍କ ମା ସହିତ ସୋମବାର ରାତିରେ ଘର ଭିତରେ ମଶାରୀ ଟାଣି ଶୋଇଥିଲେ। କିନ୍ତୁ ରାତି ପ୍ରାୟ ୧୧ଟା ବେଳେ ଗୋଟିଏ ଚିତି ସାପ ଚନ୍ଦନଙ୍କ ଉପରେ ଚଢି ଯାଇଥିବା ଦେଖିଥିଲେ। ଫଳରେ ସାପକୁ ପରିବାର ଲୋକ ମାରି ଦେଇଥିଲେ। ଚନ୍ଦନକୁ ସାପ କାମୁଡି ଥିବା ସଂଦେହ କରି ଝଡାଫୁଙ୍କା କରିଥିଲେ ଓ ପରେ ପୁରୁଣାକୋଟ ଥାନା ପାଖରେ ଥିବା ମଙ୍ଗଳା ମନ୍ଦିରକୁ ନେଇ ଅଧିଆ ପଡିଥିଲେ। ରାତି ତିନିଟା ବେଳେ ଅବସ୍ଥା ଗୁରୁତର ହେବାରୁ ଗୋଟିଏ କାର ଯୋଗେ ଜିଲ୍ଲା ମୁଖ୍ୟ ଚିକିତ୍ସାଳୟରେ ମଙ୍ଗଳବାର ସକାଳ ସାତଟା ବେଳେ ଭର୍ତ୍ତି କରିଥିଲେ । କିନ୍ତୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଖବର ପାଇ ପୁଲିସ ପହଞ୍ଚି ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି।
Popular Categories
Previous article
Next article