ନୂଆଦିଲ୍ଲୀ : ଭାରତୀୟ ବାୟୁସେନାର ପିଓକେ ଆକ୍ରମଣ ପରେ ଚଳଚ୍ଚିତ୍ର ‘ଉରୀ-ଦି ସର୍ଜିକାଲ ଷ୍ଟ୍ରାଇକ୍’ର ଚାହିଦା ବୃଦ୍ଧି ପାଇଛି। ବାୟୁସେନାର ଏହି ଆକ୍ରମଣକୁ ସାରା ଦେଶରେ ‘ସର୍ଜିକାଲ ଷ୍ଟ୍ରାଇକ-୨’ ନାଁ ଦିଆଯାଇଥିବା ବେଳେ ପ୍ରଥମ ସର୍ଜିକାଲ ଷ୍ଟ୍ରାଇକ ଉପରେ ଆଧାରିତ ଚଳଚ୍ଚିତ୍ର ‘ଉରୀ’କୁ ଦେଖିବା ପାଇଁ ଦର୍ଶକଙ୍କ ମଧ୍ୟରେ ଉତ୍କଣ୍ଠା ବୃଦ୍ଧି ପାଇଛି। ସୂଚନା ଅନୁସାରେ, ଗତ ଦୁଇଦିନ ମଧ୍ୟରେ ଚଳଚ୍ଚିତ୍ରର ଅନଲାଇନ ଡାଉନଲୋଡ଼୍ ସର୍ଚ୍ଚ ତୀବ୍ର ଗତିରେ ବୃଦ୍ଧି ପାଇଛି। ଭାରତୀୟ ସେନାର ସର୍ଜିକାଲ ଷ୍ଟ୍ରାଇକ୍ ଦେଖିବା ପାଇଁ ଲୋକେ ଡାଉନଲୋଡ଼ିଙ୍ଗ୍ ୱେବସାଇଟ୍ ଟୋରେଣ୍ଟରେ ଚଳଚ୍ଚିତ୍ରକୁ ତୀବ୍ର ଗତିରେ ଡାଉନଲୋଡ଼ କରୁଛନ୍ତି।
ବାଲାକୋଟରେ ବାୟୁସେନାର ଆକ୍ରମଣ ପରେ ସାରା ଦେଶରେ ଖୁସିର ଲହରୀ ଦେଖିବାକୁ ମିଳିଛି। ବାୟୁସେନାର ଏହି ବୀରତ୍ୱକୁ ‘ଉରୀ’ ଚଳଚ୍ଚିତ୍ର ଟିମ୍ ସଲାମ କରି କହିଛି, “ଭାରତୀୟ ବାୟୁସେନା ଓ ଗୁଇନ୍ଦା ବିଭାଗକୁ ସଲାମ। ଭାରତ ପାଲଟା ଜବାବ ଦେବ। ଜୟ ହିନ୍ଦ୍”।
