ନୂଆଦିଲ୍ଲୀ: ଭାରତ ଓ ପାକିସ୍ତାନ ମଧ୍ୟରେ ସୃଷ୍ଟି ହୋଇଥିବା ଯୁଦ୍ଧ ପରିସ୍ଥିତିରେ ଅର୍ନ୍ତରାଷ୍ଟୀୟ ବିମାନ ଉଡାଣ ଉପରେ ପ୍ରଭାବ ପକାଇଛି । ବୁଧବାର ସକାଳେ ଭାରତ ଓ ପାକିସ୍ତାନ ମଧ୍ୟରେ ଯୁଦ୍ଧ ବିମାନ ଆକ୍ରମଣ ପରେ ସୀମାନ୍ତ ଆକାଶ ମାର୍ଗରେ ଅର୍ନ୍ତରାଷ୍ଟ୍ରୀୟ ବିମାନ ଚଳାଚଳ ବନ୍ଦ କରି ଦିଆଯାଇଛି । ଭାରତ ଏବଂ ପାକିସ୍ତାନ ସୀମାନ୍ତ ନିକଟରେ ଥିବା ସମସ୍ତ ବିମାନ ବନ୍ଦରରେ ହାଇ ଆର୍ଲଟ ଜାରି କରାଯାଇଛି । ଭାରତ ଶ୍ରୀନଗର, ଜମ୍ମୁ, ଲେହ୍, ଅମୃତସର, ପଠାନକୋଟ୍, ଗଗ୍ଗଲ୍, ଡେରାଡୁନ୍ ଏବଂ ଚଣ୍ଡିଗଡ଼ ସମେତ କେତେକ ବିମାନ ବନ୍ଦରରେ ଉଡାଣ ବାତିଲ୍ କରାଯାଇଛି । ଏହା ସହ ଏହି ବିମାନ ବନ୍ଦରରୁ ବ୍ୟାବସାୟିକ ବିମାନ ଚଳାଚଳ ମଧ୍ୟ ବନ୍ଦ କରାଯାଇଛି ।
ସେହିପରି ପାକିସ୍ତାନ ମଧ୍ୟ ସୀମାନ୍ତ ନିକଟରେ ଥିବା ସମସ୍ତ ବିମାନ ବନ୍ଦରରେ ହାଇ ଆର୍ଲଟ ଜାରି କରିଛି । ଲାହୋର, ମୁଲତାନ, ଫୈସାଲାବାଦ, ସିୟାଲକୋଟ ଏବଂ ଇସ୍ଲାମବାଦ ବିମାନ ବନ୍ଦରରେ ଉଡିବାକୁ ଥିବା ସମସ୍ତ ବିମାନକୁ ବାତିଲ୍ କରିଛି । ଘରୋଇ ଏବଂ ଆନ୍ତର୍ଜାତିକ ବିମାନ ଉଡ଼ାଣ ବନ୍ଦ କରି ଦେଇଛି ।
