ଭୁବନେଶ୍ବର : ରାଜ୍ୟ ମହିଳା ଓ ଶିଶୁ ଅପରାଧ ନିରାକରଣ ଶାଖା ଆନୁକୂଲ୍ୟରେ ନିଖୋଜ ଶିଶୁ ଓ ମହିଳାମାନଙ୍କ ଉଦ୍ଧାର ପାଇଁ ସ୍ଵତନ୍ତ୍ର ଅଭିଯାନ ‘ଅପରେସନ୍ ଅନ୍ୱେଷଣ’ ଆୟୋଜିତ ହୋଇଯାଇଛି । ୧୮ ଅଗଷ୍ଟରୁ ଆରମ୍ଭ ହୋଇ ୨୨ ଅଗଷ୍ଟ ପର୍ଯ୍ୟନ୍ତ ଏହି ଅଭିଯାନ ଚାଲିଥିଲା । ଏହି ୫ ଦିନ ମଧ୍ୟରେ ୩୩ ଜଣ ନାବାଳକ, ୩୨୫ ଜଣ ନାବାଳିକା (ସମୁଦାୟ ୩୫୮ ଜଣ ଶିଶୁ) ଏବଂ ୨୦୫୯ ଜଣ ନିଖୋଜ ମହିଳା, ସର୍ବମୋଟ ୨୪୧୭ ଜଣଙ୍କୁ ଉଦ୍ଧାର କରାଯାଇ ପରିବାର ସହିତ ସାମିଲ କରାଯାଇପାରିଛି।
ପୁରୀ ଜିଲ୍ଲାରେ ସର୍ବାଧିକ ୪୫ ଜଣ ନିଖୋଜ ଶିଶୁ ଓ ୫୦୪ ଜଣ ମହିଳା ଉଦ୍ଧାର ହୋଇଥିବା ବେଳେ ଭଦ୍ରକ ଜିଲ୍ଲାରେ ୩୭ ଜଣ ନିଖୋଜ ଶିଶୁ ଓ ୩୧୮ ଜଣ ମହିଳା ଓ କଟକ ଜିଲ୍ଲାରେ ୨୧ ଜଣ ନିଖୋଜ ଶିଶୁ ଓ ୩୦୪ ଜଣ ମହିଳା ଉଦ୍ଧାର କରାଯାଇପାରିଛି । ଏହି ଅଭିଯାନ ଆଗାମୀ ଦିନରେ ମଧ୍ୟ ଜାରି ରହିବ ବୋଲି ବିଭାଗ ତରଫରୁ ସୂଚନା ଦିଆଯାଇଛି।
