ଶ୍ରୀନଗର : ଜମ୍ମୁ-କାଶ୍ମୀରର କାଠୁଆରେ ରବିବାର ସକାଳେ ବାଦଲ ଫଟା ବର୍ଷା କାରଣରୁ ଅଘଟଣ ଘଟି ଏଯାଏଁ ୪ ଜଣଙ୍କ ମୃତ୍ୟୁ ହେବା ନେଇ ଖବର ସାମ୍ନାକୁ ଆସିଛି । ହଠାତ୍ ମାଡି ଆସିଥିବା ବନ୍ୟା ପାଣି କାରଣରୁ ଜନଜୀବନ ଅସ୍ତବ୍ୟସ୍ତ ହୋଇ ଉଠିଛି । ଘର ଭିତରେ ବନ୍ୟା ପାଣି ପଶି ରହିଛି । ରେଳ ସେବା ମଧ୍ୟ ପ୍ରଭାବିତ ହୋଇଛି । ଜମ୍ମୁ-ପଠାନକୋଟ୍ ରାଜମାର୍ଗ ମଧ୍ୟ କ୍ଷତିଗ୍ରସ୍ତ ହୋଇଛି । ରେଳ ଧାରଣା ଗୁଡିକ ପାଣିରେ ବୁଡି ରହିଛି । ଘାଟି ଓ ଜଙ୍ଗଲୋଟ ସକାଳେ ପ୍ରବଳ ବର୍ଷା କାରଣରୁ ଘର ଗୁଡିକ ପାଣିରେ ବୁଡି ରହିଛି । ପୁଲିସ କହିଛି ଯେ, କାଠୁଆ ପୁଲିସ ଷ୍ଟେସନ ଓ ଅନ୍ୟ ଅଟ୍ଟାଳିକା ପାଣିରେ ବୁଡି ରହିଛି । ଖବର ପାଇ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଅନେକ ଲୋକେ ଏବେ ମଧ୍ୟ ଫସି ରହିଛନ୍ତି ।
- Advertisement -
