ବ୍ରହ୍ମପୁର: ଦେଶୀ ମଦ କାରବାର କରି ପୁଣି ଗିରଫ ହୋଇଛନ୍ତି କୁକୁଡାଖଣ୍ଡି ବ୍ଲକ ବଳରାମପଲ୍ଲୀର ଶିକ୍ଷକ ସୁବାଷଚନ୍ଦ୍ର ସାହୁ। ବେଆଇନ ଭାବେ ୧୦୦ ଲିଟର ଦେଶୀ ମଦ ଚାଲାଣ କରୁଥିବା ବେଳେ ଅବକାରୀ ବିଭାଗର ବ୍ରହ୍ମପୁର-୨ ଅଧିକାରୀମାନେ ତାଙ୍କୁ କାବୁ କରିଛନ୍ତି। ପୂର୍ବରୁ ମଧ୍ୟ ସେ ବେଆଇନ ଦେଶୀମଦ କାରବାର କରି ଧରା ପଡିଥିଲେ। ସୁବାଷଚନ୍ଦ୍ର ବର୍ତ୍ତମାନ ବଉଳଝୋଳି ପଞ୍ଚାୟତ ସାତପହଣ୍ଡିଆସ୍ଥିତ ଏକ ବିଦ୍ୟାଳୟରେ ପ୍ରଧାନଶିକ୍ଷକ ଭାବେ କାର୍ଯ୍ୟ କରୁଥିବା ସୂଚନା ମିଳିଛି। ଦୀର୍ଘବର୍ଷ ଧରି ଦେଶୀ ମଦ କାରବାରରେ ସଂପୃକ୍ତ ରହି ଏକାଧିକ ଥର ଜେଲ ଯାଇଥିବା ସୁବାଷଚନ୍ଦ୍ରଙ୍କ ବିରୋଧରେ ଶିକ୍ଷା ବିଭାଗ ପକ୍ଷରୁ କାହିଁକି ପଦକ୍ଷେପ ନିଆଯାଉ ନାହିଁ ତାକୁ ନେଇ ପ୍ରଶ୍ନ ଉଠିଛି।
ସୂଚନାପ୍ରକାରେ, ଫାଷ୍ଟଗେଟ ଠାରୁ ବାଇଗଣବାଡି ଅଞ୍ଚଳରେ ବେଆଇନ ଭାବେ ଦେଶୀ ମଦ କାରବାର ହେଉଥିବା ଖବର ମିଳିବା ପରେ ଅବକାରୀ ବିଭାଗର ବ୍ରହ୍ମପୁର-୨ର କର୍ମଚାରୀମାନେ ବାଇଗଣବାଡି ରାସ୍ତାରେ ଯାଞ୍ଚ ଆରମ୍ଭ କରିଥିଲେ।ଏହି ସମୟରେ ପ୍ରଧାନଶିକ୍ଷକ ସୁବାଷଚନ୍ଦ୍ର ଏକ ବାଇକରେ ୧୦୦ ଲିଟର ଦେଶୀମଦ ଧରି ଯାଉଥିବା ବେଳେ ଅବକାରୀ ବିଭାଗ ଦଳ ତାଙ୍କୁ କାବୁ କରି ନେଇଥିଲେ। ତାଙ୍କ ନିକଟରୁ ୧୦୦ ଲିଟର ଦେଶୀ ମଦ ସହ ବାଇକକୁ ଜବତ କରାଯାଇଥିଲା।
ଗତବର୍ଷ ବେଆଇନ ମଦ କାରଖାନା ଖୋଲିଥିବା ସୁବାଷଚନ୍ଦ୍ରଙ୍କୁ ଅବକାରୀ ବିଭାଗ ଗିରଫ ପରେ ଅଦାଲତ ଚାଲାଣ କରାଯାଇଥିଲା। ସେହି ସମୟରେ ଗିରଫ ହୋଇ ଜେଲ ଯିବା ପରେ ସେ ଜାମିନରେ ଆସି ପୁଣିଥରେ ମଦ କାରବାରରେ ସଂପୃକ୍ତ ରହିଥିବା ଜଣାପଡିଛି।
ଶିକ୍ଷକଙ୍କ ମଦ କାରବାର ନିଶା, ଦ୍ବିତୀୟ ଥର ଗିରଫ
Popular Categories
Previous article
Next article