ସମାଜ ଡିଜିଟାଲ ଡେସ୍କ: ଟ୍ରେନରେ ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ ବଡ ଖୁସି ଖବର ଦେଇଛି ରେଳ ବିଭାଗ । ଏବେ ଫେରିବା ଟିକେଟରେ ୨୦ପ୍ରତିଶତ ରିହାତି ମିଳିବ । ଏହାର ସିଧାସଳଖ ଲାଭ ଦୀପାବଳି ସମୟରେ ହେବ ବୋଲି କୁହାଯାଇଛି । ଦୀପାବଳିରେ ଘରକୁ ଯାଉଥିବା ଲୋକମାନେ ପୂର୍ବରୁ ଫେରିବା ଟିକେଟର ସମସ୍ୟାର ସମ୍ମୁଖୀନ ହେଉଥିଲେ । ରେଳବାଇ ଏହାର ସମାଧାନ ଏବେ କରିଛି । ରେଳବାଇ ଲୋକମାନଙ୍କଚ ୨୦ପ୍ରତିଶତ ରିହାତି ଦେଇ ଫେରିବା ଟିକେଟ ବୁକିଂ କରିବାକୁ ଘୋଷଣା କରିଛି । ରେଳବାଇ ବୋର୍ଡ ସୂଚନର ଦେଇଛି ଯେ ପର୍ବ ଋତୁରେ ଭିଡ଼ ଏଡାଇବା ପାଇଁ ଟିକେଟ ବୁକିଂର ଅସୁବିଧାରୁ ରକ୍ଷା ପାଇବା ପାଇଁ ଏକ ‘ରାଉଣ୍ଡ ଟ୍ରିପ୍ ପ୍ୟାକେଜ୍’ ଘୋଷଣା କରିଛି ।
ରେଲୱେ ବୋର୍ଡ ଅନୁଯାୟୀ ୨୦ପ୍ରତିଶତ ରିହାତିର ଲାଭ ପାଇବା ପାଇଁ, ଯାତ୍ରୀମାନଙ୍କୁ ଉଭୟ ଯାତ୍ରା ପାଇଁ ଏକାଠି ଟିକେଟ ବୁକ୍ କରିବାକୁ ପଡିବ । ଉଭୟ ଟିକେଟରେ ଯାତ୍ରୀଙ୍କ ବିବରଣୀ ମଧ୍ୟ ସମାନ ହେବା ଉଚିତ । ଉଭୟ ପାଶ୍ୱର୍ର ଟ୍ରେନଗୁଡିକ ସମାନ ଶ୍ରେଣୀ ଏବଂ ସମାନ ଷ୍ଟେସନ ଯୋଡା ହେବା ଉଚିତ । ଫ୍ଲେକ୍ସି ଭଡା ଥିବା ଟ୍ରେନଗୁଡିକ ବ୍ୟତୀତ ସମସ୍ତ ଶ୍ରେଣୀ ଏବଂ ସମସ୍ତ ଟ୍ରେନରେ ୨୦ପ୍ରତିଶତ ରିହାତି ପ୍ରଯୁଜ୍ୟ ରହିବ । ସ୍ୱତନ୍ତ୍ର ଟ୍ରେନଗୁଡିକ (ଅନ୍ ଡିମାଣ୍ଡ ଟ୍ରେନ୍) ମଧ୍ୟ ରିହାତିରେ ଅନ୍ତର୍ଭୁକ୍ତ ହେବ ।
ରେଲୱେ କହିଛି ଯେ ଆଗାମୀ ପର୍ବପର୍ବାଣୀକୁ ଦୃଷ୍ଟିରେ ରଖି ଏହି ରିହାତି ସୁବିଧା ଦିଆଯାଇଛି । ବୋର୍ଡ ଏହି ରିହାତି ପାଇବା ପାଇଁ ଏକ ସୀମା ସ୍ଥିର କରିଛି । ଯାତ୍ରା ପାଇଁ ଟିକେଟ ଆସିବା ପାଇଁ ୧୩ ଅକ୍ଟୋବରରୁ ୨୬ ଅକ୍ଟୋବର ୨୦୨୫ ମଧ୍ୟରେ ଏବଂ ଫେରିବା ପାଇଁ ନଭେମ୍ବରରୁ ଡିସେମ୍ବର ୧ମଧ୍ୟରେ ହେବା ଉଚିତ । ତେବେ ଏହି ରିହାତି ପାଇବା ପାଇଁ କିଛି ସର୍ତ୍ତାବଳୀ ରଖିଛି ରେଳ ବିଭାଗ । ଯୋଜନା ସମୟରେ ଟିକେଟ୍ ବାତିଲ କଲେ କୌଣସି ଫେରସ୍ତ ଦିଆଯିବ ନାହିଁ । ଏହା ସହିତ ଟିକେଟରେ କୌଣସି ସଂଶୋଧନ ଅନୁମତି ଦିଆଯିବ ନାହିଁ । ଅତିରିକ୍ତ ରିହାତି ପାଇଁ ଫେରିବା ଯାତ୍ରା ବୁକିଂ ସମୟରେ କୌଣସି ରିହାତ, ରେଳ ଯାତ୍ରା କୁପନ୍, ଭାଉଚର ଆଧାରିତ ବୁକିଂ, ପାସ୍ କିମ୍ବା ପିଟିଓ ଇତ୍ୟାଦି ଗ୍ରହଣ କରାଯିବ ନାହିଁ । ଉଭୟ ଟିକେଟ ସମାନ ମାଧ୍ୟମରେ ହେବା ଉଚିତ, ଯେପରିକି ଅନଲାଇନ ହେଉ କି ଅଫଲାଇନ୍ ।
