ସମ୍ବଲପୁର: ସମ୍ବଲପୁରର କ୍ଷେତରାଜପୁର ଥାନା ସନ୍ନିକଟ ଅଞ୍ଚଳରେ ବେଆଇନ ଭାବରେ ମାଦକ ଦ୍ରବ୍ୟ ବିକ୍ରି ଅଭିଯୋଗରେ ପୁଲିସ ଜଣେ ଯୁବକଙ୍କୁ ଗିରଫ କରିଛି। ପ୍ରାପ୍ତସୁଚନା ଅନୁଯାୟୀ, ପେଟ୍ରୋଲିଂ ସମୟରେ ଖବର ପାଇ ପୁଲିସ ଥାନା ନିକଟସ୍ଥ ମନ୍ଦଲିଆଠାରେ ଏକ ନିଛାଟିଆ ସ୍ଥାନରେ ଚଢ଼ଉ କରିଥିଲା। ଚଢ଼ଉ ସମୟରେ ମନ୍ଦଲିଆ ନିବାସୀ ଅମୋଶ ଜାଲ (୨୨) ନାମକ ଯୁବକ ବେଆଇନ ଭାବରେ ନିଶା ଦ୍ରବ୍ୟ ରଖିଥିବାର ପୁଲିସକୁ ମିଳିଥିଲା। ଯୁବକଙ୍କ ନିକଟରୁ ପୁଲିସ ୧୮ଟି ନିଶା କଫ ସିରପ, ୧୦ଟି ନିଶା ବଟିକା ଏବଂ ୩୦ ଲିଟର ପାଉଚ ମଦ ଜବତ କରିଥିଲା। ଏଣୁ ଏକ ମାମଲା ରୁଜୁ କରି ପୁଲିସ ଯୁବକଙ୍କୁ ଗିରଫ କରି ଅଦାଲତକୁ ଚାଲାଣ କରିଛି ବୋଲି କ୍ଷେତରାଜପୁର ପୁଲିସ କହିଛି ।
Popular Categories
Previous article
Next article