୧୩ ବର୍ଷର ନାବଳକ ୧୦ ବର୍ଷର ନାବାଳିକାକୁ ଲେଖିଲା ପ୍ରେମପତ୍ର, ଘରଲୋକେ ପିଟାପିଟି

ରାଜକୋଟ : ୧୩ ବର୍ଷର ନାବାଳକ ଜଣେ ୧୦ ବର୍ଷର ନାବାଳିକାକୁ ପ୍ରେମପତ୍ର ଲେଖିବା ଘଟଣାକୁ ନେଇ ଦୁଇ ପରିବାର ମଧ୍ୟରେ ସଂଘର୍ଷ ଘଟିଛି। ଏହି ସଂଘର୍ଷରେ ଉଭୟ ପରିବାରରୁ ୧୦ ଜଣ ଆହତ ହୋଇଛନ୍ତି। ଏହି ଘଟଣା ଗୁଜରାଟ ସୁରେନ୍ଦ୍ରନଗର ଜିଲା ଗୋଲିଡା ଆନନ୍ଦପୁରରେ ଘଟିଛି। ଝିଅ ଓ ପୁଅ ଘରର ଲୋକମାନେ ଥାନାରେ ପରସ୍ପର ବିରୋଧରେ ଅଭିଯୋଗ କରିଛନ୍ତି।
ସୂଚନା ଅନୁସାରେ ଅଭିଯୁକ୍ତ ନାବାଳକ ଝିଅକୁ ପ୍ରାୟ ସମୟ ହଇରାଣ କରୁଥିଲା ଓ ଆୟ ଲଭ ୟୁ କହୁଥିଲା। ଏପରିକି ଝିଅର ସ୍କୁଲ ବ୍ୟାଗରେ ପ୍ରେମପତ୍ର ଦେଉଥିଲା। ଏହାକୁ ନେଇ ଶୁକ୍ରବାର ଉଭୟ ପକ୍ଷ ମଧ୍ୟରେ ବଚସା ପରେ ଗଣ୍ଡଗୋଳ ଘଟିଥିଲା। ଆହତଙ୍କୁ ରାଜକୋଟ ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି। ଏନେଇ ଉଭୟ ପକ୍ଷ ଥାନାରେ ଅଭିଯୋଗ କରିଛନ୍ତି। ଝିଅର ଘରଲୋକମାନେ ଅଭିଯୋଗ କରିଛନ୍ତି ଯେ ଏନେଇ କଥା ହେଉଥିବାବେଳେ ପୁଅର ଘରଲୋକମାନେ ଉତ୍ତ୍ୟକ୍ତ ହୋଇପଡ଼ିଥିଲେ। ସେମାନେ ଝିଅର ଘରଲୋକଙ୍କ ଆଖିରେ ଲଙ୍କାଗୁଣ୍ଡ ପକାଇ ଲୁହାରଡ଼, ଟଶଙ୍ଗିଆ ଓ ବ୍ୟାଟରେ ଆକ୍ରମଣ କରିଥିଲେ। ଏଥିରେ ୬ ଜଣ ଆହତ ହୋଇଛନ୍ତି। ଅପରପକ୍ଷରେ ପୁଅ ଘର ଲୋକେ ଅଭିଯୋଗ କରିଛନ୍ତି ଯେ ଝିଅଘରର ଲୋକେ ପ୍ରଥମେ ଆକ୍ରମଣ କରିôତଲେ। ଝିଅର ଘରଲୋକମାନେ ବ୍ୟାଟ୍‍, ଲୁହାରଡ଼ ଓ ଟାଙ୍ଗିଆରେ ଆକ୍ରମଣ କରିଥିଲେ। ଏଥିରେ ୪ ଜଣ ଆହତ ହୋଇଛନ୍ତି।