ଡେସ୍କ: ରାଜ୍ୟ ସରକାର ଗୁରୁବାର ୧୩ ଜଣ ଆଇଏଏସ ଅଧିକାରୀଙ୍କ ବଦଳି କରିବା ସହ ୩୪ ଜଣ ଉପ-ବନ ସଂରକ୍ଷକଙ୍କୁ ମଧ୍ୟ ବଦଳି କରିଛନ୍ତି। ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ପକ୍ଷରୁ ପ୍ରକାଶିତ ବିଜ୍ଞପ୍ତି ଅନୁଯାୟୀ, ୩୪ ଜଣ ଉପ-ବନ ସଂରକ୍ଷକଙ୍କୁ ବିଭିନ୍ନ ବନଖଣ୍ଡକୁ ବଦଳି କରାଯାଇଛି। କାର୍ଯ୍ୟଦକ୍ଷତାକୁ ଉନ୍ନତ କରିବା ଲକ୍ଷ୍ୟରେ ଏହି ବଦଳି କରାଯାଇଥିବା ଜଣାପଡିଛି।
ବିଜ୍ଞପ୍ତି ଅନୁଯାୟୀ କ୍ଷମା ଷଡଙ୍ଗୀଙ୍କୁ ପିସିସିଏଫ ଭାବେ ବଦଳି କରାଯାଇଥିବା ବେଳେ ଦେବାର୍ଚ୍ଚନ ବେହେରାଙ୍କୁ ନୟାଗଡ ବନଖଣ୍ଡର ଉପ-ବନ ସଂରକ୍ଷକ ଭାବେ ବଦଳି କରାଯାଇଛି। ସେହିପରି କିରଣବାଳା ସାମନ୍ତରାୟଙ୍କୁ ନବରଙ୍ଗପୁର, ବିନୋଦ ଆଚାର୍ଯ୍ୟଙ୍କୁ ଚନ୍ଦକା, ଏ. ଉମା ମହେଶଙ୍କୁ ଜୟପୁର ସ୍ଥାନାନ୍ତର କରାଯାଇଛି।
- Advertisement -
ରାଜେନ୍ଦ୍ର ଗୋଚ୍ଛାୟତଙ୍କୁ ବୌଦ୍ଧ, ଦିପାପ୍ରିୟ କମ୍ପଙ୍କୁ ପିସିସିଏଫ, ଘନଶ୍ୟାମ ମୋହାନ୍ତଙ୍କୁ ବାଲିଗୁଡା, ବିଶ୍ୱରାଜ ପଣ୍ଡାଙ୍କୁ ସିଟି ଫରେଷ୍ଟ ଡିଭିଜନ, ଫାଲ୍ଗୁନୀ ସାରଥୀ ମଲିକଙ୍କୁ ପିସିସିଏଫକୁ ବଦଳି କରାଯାଇଛି।
