ଜି ଉଦୟଗିରି : ଜାତୀୟ ରାଜପଥ କଡରେ ଥିବା ପଦାସାହି ସ୍ଥିତ ପ୍ରଦୀପ ନାୟକର ଘର ଭାଙ୍ଗିବା ସହ ଦୁଇ ଦନ୍ତା ଧାନ ଖାଇ ଆସବାବ ପତ୍ର ନଷ୍ଟ କରିଥିବା ଜଣାପଡିଛି। ବିବରଣୀରୁ ପ୍ରକାଶ ଯେ କନ୍ଧମାଳ ଜିଲ୍ଲା ଜି ଉଦୟଗିରି ବନାଞ୍ଚଳର କଳିଙ୍ଗା ସେକ୍ସନର ରେଟୁଡ଼ି, ମାଲାନସୁଗା, କୁର୍ମିଙ୍ଗିଆ ଓ ଦୁଗୁଡ଼ିପାରି, ଜି ଉଦୟଗିରି ସେକ୍ସନର ଡଡାପାଡ଼ା, ମାଗରଗୁଡ଼ା, ବାକୀକାମ୍ବା, ଗ୍ରେସିଙ୍ଗିଆ, ଗହନା, ବାନ୍ଦା ଓ ରୁଦାଙ୍ଗିଆ, ପାବୁରିଆ ସେକ୍ସନର ଗୁତୁଗୁଡ଼ା, ଡାମ୍ବା, ଗାଟାମାହା ଓ ଆଡାସିକୁପା ଅଞ୍ଚଳରେ ଉପଦ୍ରବ କରିବା ସହ ଆତଙ୍କ ଖେଳାଇବା ସହ ଆମ୍ବ, ପଣସ, କଦଳୀ, ଧାନ ବାଉଁଶ ଆଦି ଖାଇବା ସହ ନଷ୍ଟ କରିଦେଇଛନ୍ତି । ରବିବାର ବିଳମ୍ୱିତ ରାତିରେ ରାଜ୍ୟ ରାଜପଥ କଡରେ ଥିବା ପ୍ରଦୀପ ନାୟକଙ୍କ ଘର ଭାଙ୍ଗିଥିବା ସହ ଆସବାବ ପତ୍ର ଫିଙ୍ଗି ଫୋପାଡ଼ି ନଷ୍ଟ କରିଥିବା ଜଣାପଡ଼ିଛି। ଖବର ପାଇ ବନବିଭାଗ ପହଞ୍ଚି କ୍ଷୟ କ୍ଷତି ସମ୍ପର୍କରେ ପଚାରି ବୁଝିଥିଲେ। ସେହିପରି ବନଖଣ୍ଡ ଅଧିକାରୀ ପ୍ରତାପ କଟାପାଲି କଳିଙ୍ଗା ସେକ୍ସନର ମାଲାନସୁଗା ପହଞ୍ଚି ଜି ଉଦୟଗିରି ବନାଞ୍ଚଳରେ ବିଭିନ୍ନ ସ୍ଥାନରେ ହୋଇଯାଇଥିବା ହାତୀ ଉପଦ୍ରବର ସମୀକ୍ଷା କରିଥିବା ଜଣାପଡ଼ିଛି।
Popular Categories
Previous article
Next article