କଟକ: ବେଙ୍ଗାଲୁରୁର ଶ୍ରୀ କାନ୍ତେରଭା ଷ୍ଟାଡ଼ିୟମରେ ଚଳିତ ଜୁଲାଇ ୧୧ ଓ ୧୨ରେ ସପ୍ତମ ଇଣ୍ଡିଆନ ଓପନ ପାରା ଦୌଡ଼କୁଦ ଚମ୍ପିଆନସିପ୍ ଆୟୋଜିତ ହେବ। ଏଥିରେ ଅଂଶଗ୍ରହଣ କରିବା ଲାଗି ପାରା ସ୍ପୋର୍ଟସ ଆସୋସିଏସନ ଅଫ୍ ଓଡ଼ିଶା ପକ୍ଷରୁ ୭ଜଣିଆ ଓଡ଼ିଶା ଦଳ ମନୋନୟନ କରାଯାଇଛି। ଜୟନ୍ତୀ ବେହେରା ୧୦୦, ୨୦୦ ଓ ୪୦୦ ମିଟର ଦୌଡ଼ରେ, ସୁଚିତ୍ରା ପରିଡ଼ା ଜାଭେଲିନ ଥ୍ରୋ ଓ ସଟ୍ପୁଟ, ସ୍ବାଧୀନ ମେହେର ଲଙ୍ଗଜମ୍ପ, କମଳାକାନ୍ତ ନାୟକ ୪୦୦, ୮୦୦ ମିଟର ଦୌଡ଼ ସହ ଜାଭେଲିନ ଥ୍ରୋ, ଯାଜନୀ ଓରାମ ୧୦୦, ୨୦୦ ଓ ଲଙ୍ଗଜମ୍ପରେ,ରଞ୍ଜିତା ଚନ୍ଦ୍ର ଜାଭେଲିନ ଥ୍ରୋ ଓ ପଙ୍କଜ ଭୂଏ ୧୦୦ ମିଟର ଦୌଡ଼ ଓ ଲଙ୍ଗଜମ୍ପରେ ଭାଗ ନେବେ। ଉକ୍ତ ପ୍ରତିଯୋଗିତାରୁ ଦିଲ୍ଲୀରେ ଆୟୋଜିତ ହେବାକୁ ଥିବା ବିଶ୍ବ ପାରା ଦୌଡ଼କୁଦ ଚମ୍ପିଆନସିପ ୍ଲାଗି ଭାରତୀୟ ଖେଳାଳି ଯୋଗ୍ୟତା ହାସଲ କରିବା ନେଇ ସୁଯୋଗ ରହିଛି।
