ବାସୁଦେବପୁର : ବାସୁଦେବପୁରର ଥାନା ଅଧିନ ଆରୁହା ପଞ୍ଚାୟତ ଭାଗପୁର ସରକାରୀ ପ୍ରାଥମିକ ବିଦ୍ୟାଳୟ, ଅରଣ୍ଡୁଆ ପଞ୍ଚାୟତର କାନ୍ଥିସାହୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଓ ପଧାନୀପଡା ପ୍ରାଥମିକ ବିଦ୍ୟାଳୟରୁ ମଧ୍ୟାହ୍ନ ଭୋଜନ ଚାଉଳ ଚୋରି ହୋଇଥିବା ଅଭିଯୋଗ ହୋଇଛି । କାନ୍ଥିସାହୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରୁ କୋଡିଏ ବସ୍ତା ଚାଉଳ ଚୋରି ହୋଇଥିବା ବେଳେ ନିଗମ ସ୍ୱୟଂ ସହାୟକ ଗୋଷ୍ଠୀ ମଧ୍ୟାହ୍ନ ଭୋଜନ ଦାୟିତ୍ୱରେ ରହିଥିଲା ବୋଲି ପ୍ରଧାନଶିକ୍ଷକ ଶରତଚନ୍ଦ୍ର ସାହୁ ଥାନାରେ ଲିଖିତ ଅଭିଯୋଗରେ ଦର୍ଶାଇଛନ୍ତି । ସେହିପରି ଭାଗପୁର ସରକାରୀ ପ୍ରାଥମିକ ବିଦ୍ୟାଳୟରୁ ୯ବସ୍ତା ଚାଉଳ ଚୋରି ହୋଇଥିବା ଗୈାରିମଣି ପ୍ରଧାନ ଅଭିଯୋଗରେ ଦର୍ଶାଇଥିବାବେଳେ ପଧାନୀପଡା ପ୍ରାଥମିକ ବିଦ୍ୟାଳୟ ୧ବସ୍ତା ଚାଉଳ ସହିତ ହାଣ୍ଡି, କଡେଇ, ପିତ୍ତଳ ଘଣ୍ଟା ସମେତ ବାସନ ଚୋରୀ ହୋଇଥିବା ପ୍ରଧାନଶିକ୍ଷୟତ୍ରୀ ମିନତୀଲତା ପଣ୍ଡା ଥାନାରେ ଅଭିଯୋଗ ହୋଇଛି । ତେବେ ଅଭିଯୋଗ ଆଧାରରେ ପୋଲିସ ଘଟଣାର ତଦନ୍ତ କରୁଥିବା ଥାନାଧିକାରିଣୀ ଲୋପାମୁଦ୍ରା ନାୟକ ଜଣାଇଛନ୍ତି ।
Popular Categories
Previous article
Next article