ବର୍ମିଂହାମ୍ : ଭାରତୀୟ କ୍ରିକେଟ୍ ଦଳ ଇଂଲଣ୍ଡକୁ ବର୍ମିଂହାମର ଏଜବେଷ୍ଟନ ଗ୍ରାଉଣ୍ଡରେ ଦ୍ବିତୀୟ ଟେଷ୍ଟ ମ୍ୟାଚରେ ୩୩୬ ରନରେ ପରାସ୍ତ କରିଛି । ଏହା ସହିତ ସିରିଜ୍ ୧-୧ରେ ବରାବର ହୋଇଯାଇଛି । ୬୦୮ ରନର ଲକ୍ଷ୍ୟକୁ ପିଛା କରୁଥିବା ଇଂଲଣ୍ଡ ଟିମ୍ ଶେଷ ଦିନରେ ୨୭୧ ରନରେ ଅଲଆଉଟ୍ ହୋଇଯାଇଛି । ଏହା ଇଂଲଣ୍ଡ ମାଟିରେ ରନ୍ ଦୃଷ୍ଟିରୁ ଏହା ଭାରତର ଏପର୍ଯ୍ୟନ୍ତର ସବୁଠାରୁ ବଡ ବିଜୟ ।
ମ୍ୟାଚର ଶେଷ ଦିନ ଇଂଲଣ୍ଡ ୩ ଓ୍ବିକେଟରେ ୭୨ ରନର ସ୍କୋରରେ ଆଗେ ଖେଳିବା ଆରମ୍ଭ କରିଥିଲା । ବର୍ଷା ଯୋଗୁଁ ମୁକାବିଲା ୯୦ ମିନିଟ୍ ବିଳମ୍ବରେ ଆରମ୍ଭ ହୋଇଥିଲା । ଭାରତ ପାଇଁ ଆକାଶ ଦୀପ ୬, ମୋହମ୍ମଦ ସିରାଜ, ଓ୍ବାଶିଂଟନ୍ ସୁନ୍ଦର, ପ୍ରସିଦ୍ଧ କୃଷ୍ଣା ଓ ରବିନ୍ଦ୍ର ଜଡେଜା ଗୋଟେ-ଗୋଟେ ଓ୍ବିକେଟ ନେଇଛନ୍ତି । ଭାରତ ଟସ୍ ହାରି ପ୍ରଥମେ ବ୍ୟାଟିଂ କରି ପ୍ରଥମ ପାଳିରେ ୫୮୭ ରନ୍ କରିଥିଲା । ଶୁଭମନ୍ ଗିଲ ୨୬୯ ରନ କରିଥିଲା । ଜବାବରେ ଇଂଲଣ୍ଡର ପ୍ରଥମ ପାଳିରେ ୪୦୭ ରନରେ ଅଲଆଉଟ୍ ହୋଇଗଲା ।
