ନୂଆଦିଲ୍ଲୀ : ଫକ୍ସକନ ଭାରତରେ ଥିବା ନିଜ ଆଇଫୋନ୍ ଫ୍ୟାକ୍ଟ୍ରିରୁ ଶହ ଶହ ଚାଇନା ଇଞ୍ଜିନିୟର ଏବଂ ଟେକ୍ନିସିଆନଙ୍କୁ ଫେରାଇ ନେଇଛି । ଏହା ଫଳରେ ଭାରତରେ ଆପଲର ଆଇଫୋନ୍ ପ୍ରସ୍ତୁତକୁ ନେଇ ବଡ ଝଟକା ଲାଗିଛି । ଏହା ମଧ୍ୟରେ କମୋଡିଟି ନିବେଶକ ସୂର୍ଯ୍ୟ କନେଗାଁଓକର ଏନେଇ କହିଛନ୍ତି କି ଭାରତରେ ଫକ୍ସକନର ଆଇଫୋନ୍ କାରଖାନାରୁ ଚୀନ୍ ଦ୍ବାରା ଇଞ୍ଜିନିୟରଙ୍କୁ ଡକାଇନେବା କୌଣସି ଆଶ୍ଚର୍ଯ୍ୟଜନକ ବିଷୟ ନୁହେଁ । ଭାରତକୁ ପଛରେ ପକାଇବା ପାଇଁ ଚୀନ୍ କିଛି ବି କରିପାରେ ବୋଲି ସେ ମତ ଦେଇଛନ୍ତି ।
ଫକ୍ସକନର ତାମିଲନାଡୁ ଓ କର୍ଣ୍ଣାଟକ ଫ୍ୟାକ୍ଟ୍ରିରୁ ୩୦୦ରୁ ଅଧିକ ଚୀନ୍ ଟେକ୍ନିସିଆନଙ୍କୁ ଫେରାଇନେବା(ଯେଉଁମାନେ ଆଇଫୋନ୍ ୧୭ ପ୍ରସ୍ତୁତି ପାଇଁ ଅତି ଗୁରୁତ୍ବପୂର୍ଣ୍ଣ ଭୂମିକ ଗ୍ରହଣ କରୁଥିଲେ) ଏକ ବ୍ୟବସାୟିକ ଚାଲ୍ । ପ୍ରଯୁକ୍ତିବିଦ୍ୟା କ୍ଷେତ୍ରରେ ଉନ୍ନତିକୁ କୌଣସି ଦେଶକୁ ବିରତ ରହିବା ପାଇଁ କିଛି ଦେଶ ଏଭଳି ପଦକ୍ଷେପ ନେଇଥାନ୍ତି । ସୂଚନାଯୋଗ୍ୟ ଫକ୍ସକନ୍ ସ୍ଥାନୀୟ ଟିମକୁ ଟ୍ରେଣ୍ଡ୍ କରିବା ଏବଂ ଉଚ୍ଚସ୍ତରୀୟ ବିନିର୍ମାଣ ପ୍ରକ୍ରିୟାକୁ ଏମ୍ବେଡ୍ କରିବା ପାଇଁ ଚୀନ୍ ଇଞ୍ଜିନିୟରଙ୍କ ଉପରେ ଭରସା କରିଥିଲା । ସେମାନେ ଅଚାନକ ଚାଲିଯିବା ପରେ ଏଥିରେ ବାଧା ଉପୁଜିବା ସ୍ବାଭାବିକ ।
