ନୂଆଦିଲ୍ଲୀ : ବଡ ଅଘଟଣରୁ ବର୍ତ୍ତିଲା ଯାତ୍ରୀବାହୀ ବିମାନ । ସାଉଦି ଏୟାରଲାଇନ୍ସର ଏକ ବିମାନରୁ ହଠାତ୍ ବାହାରିଥିଲା ଧୂଆଁ । ଲଖନଉ ବିମାନ ବନ୍ଦରରେ ଅବତରଣ ବେଳେ ଧୂଆଁ ବାହାରିଥିଲା ବୋଲି ଜଣାପଡିଛି । ହାଇଡ୍ରୋଲିକ୍ ତେଲ ଲିକ୍ ହେବାରୁ ଏହି ଧୂଆଁ ବାହାରିଥିଲା । ବିମାନରୁ ସଠିକ୍ ସମୟରେ ସମସ୍ତ ଯାତ୍ରୀ ଓହ୍ଲାଇ ପଡିଥିବାରୁ ବଡ ଅଘଟଣ ଟଳିବା ସହ ଅଗ୍ନିଶମ କର୍ମଚାରୀ ପହଞ୍ଚି ତୁରନ୍ତ ନିଆଁକୁ ଆୟତ୍ତ କରିଥିଲେ । ସମସ୍ତ ଯାତ୍ରୀ ସୁରକ୍ଷିତ ରହିଛନ୍ତି । ବିମାନରେ ୨୫୦ ଜଣ ହଜ୍ ଯାତ୍ରୀ ଥିଲେ । ୨୦ ମିନିଟ୍ ମଧ୍ୟରେ ସ୍ଥିତିକୁ ନିୟନ୍ତ୍ରଣ କରାଯାଇଥିଲା । ପ୍ରାୟ ୨୫୦ ହଜ୍ ଯାତ୍ରୀଙ୍କୁ ନେଇ ସାଉଦି ଏୟାରଲାଇନ୍ସର ଏହି ବିମାନ ରବିବାର ସକାଳେ ଲଖନଉର ଚୌଧୁରୀ ଚରଣ ସିଂହ ବିମାନବନ୍ଦରରେ ଅବତରଣ ସମୟରେ ଏହି ସମସ୍ୟା ଦେଖାଯାଇଥିଲା । ଚକ ନିକଟରୁ ଧୂଆଁ ବାହାରିବା ଦେଖି ପାଇଲଟ୍ ବିମାନକୁ ତୁରନ୍ତ ଅଟକାଇ ଏୟାର ଟ୍ରାଫିକ୍ କଣ୍ଟ୍ରୋଲକୁ ସୂଚନା ଦେଇଥିଲେ । ଫଳରେ ଏକ ବଡ ଅଘଟଣ ଟଳିଥିଲା।
- Advertisement -
