ନୂଆଦିଲ୍ଲୀ : ଦେଶର ଅନେକ ସ୍ଥାନରେ ଏବେ ମଧ୍ୟ ଗରମ, ଅସହ୍ୟ ଗୁଳୁଗୁଳି ସହ ଜଳ ସମସ୍ୟା ଲାଗି ରହିଛି । ମଣିଷ ଠାରୁ ଆରମ୍ଭ କରି ପଶୁପକ୍ଷୀ, ଜଙ୍ଗଲୀ ଜୀବଜନ୍ତୁ ପାଣି ପାଇଁ ଆଉଟୁପାଉଟୁ ହେଉଥିବାର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହୋଇଥାଏ । ଯାହା ଦୁଃଖ ଦାୟକ ହେବା ସହ ସଭିଁଙ୍କ ଧ୍ୟାନକୁ ମଧ୍ୟ ଆକର୍ଷିତ କରିଥାଏ । ନିକଟରେ ଏଭଳି ଏକ ଭିଡିଓ ଖୁବ୍ ଭାଇରାଲ୍ ହେଉଛି । ଭିଡିଓରେ ଦେଖି ପାରିବେ, ଏକ ବାଘ ପାଣି ଖୋଜି ଖୋଜି କୂଅ ଭିତରେ ଖସି ପଡିଛି । ମାତ୍ର କୂଅଟି ଶୁଖିଲା ପଡିଛି । ବାଘଟି କୂଅ ଭିତରେ ଦୟନୀୟ ଅବସ୍ଥ।ରେ ପଡିବା ସହ ପାଣି ପାଇଁ ଛଟପଟ ହେଉଛି ।
#WATCH | Leopard Falls In Dry Well At Panna Village; Rescue Team From Panna Tiger Reserve Reaches#Leopard #MadhyaPradesh #PannaTigerReserve #MPNews pic.twitter.com/XSq6rvClV0
— Free Press Madhya Pradesh (@FreePressMP) June 14, 2025
ଗତ ଶନିବାରର ଏହି ଘଟଣା ବୋଲି ଜଣାପଡିଛି । ଶନିବାର ମଧ୍ୟାହ୍ନ ସମୟରେ ଏକ ଚିତାବାଘ ଶୁଖିଲା କୂଅ ଭିତରକୁ ଖସି ପଡିଥିଲା । ଖବର ଜଣାପଡିବା ପରେ ଉକ୍ତ ଓ ଆଖାପାଖ ଗାଁରେ ହଇଚଇ ସୃଷ୍ଟି ହୋଇଥିଲା । ଘଟଣାର ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେଉଛି । ଲୋକେ ତୁରନ୍ତ ବନ୍ୟ ବିଭାଗ ଓ ବାଘ ଉଦ୍ଧାରକାରୀ ଦଳକୁ ଖବର ଦେଇଥିଲେ । ସେମାନେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ବାଘକୁ ସୁରକ୍ଷିତ ଉଦ୍ଧାର କରାଯାଇଥିଲା । ଏହି ଘଟଣା ମଧ୍ୟପ୍ରଦେଶର ପନ୍ନା ବ୍ୟାଘ୍ର ରିଜର୍ଭ ନିକଟର ବୋଲି କୁହାଯାଉଛି । ଭିଡିଓ ଏଯାଏଁ ହଜାର ହଜାର ଲୋକେ ଦେଖିବା ସହ ଭିନ୍ନ ଭିନ୍ନ ମତ ଦେଇଛନ୍ତି ।
