ନୂଆଦିଲ୍ଲୀ : ବୈଜ୍ଞାନିକମାନେ ଫ୍ରାନ୍ସର ଏକ ଗୁମ୍ଫାରେ ଏକ ଥ୍ରୀଡି ମ୍ୟାପର ସନ୍ଧାନ କରିଛନ୍ତି ଯାହା ବିଶ୍ବର ସବୁଠାରୁ ପୁରୁଣା ଥ୍ରୀଡି ମ୍ୟାପ୍ କୁହାଯାଉଛି । ଏହା ପ୍ରାୟ ୨୦ ହଜାର ବର୍ଷୁ ପୁରୁଣା । ପ୍ୟାରିସର ଦକ୍ଷିଣରେ ସ୍ୟାଣ୍ଡଷ୍ଟୋନ୍ ମାସିକ ଗୁମ୍ଫାରେ ଅନେକ ଚକିତ କରିଦେବା ଭଳି ଜିନିଷ ମିଳିଛି ।
ପ୍ରତ୍ନତତ୍ତ୍ବବିତ୍ ଏହାକୁ ପ୍ରାୟ ୨୦ ହଜାର ବର୍ଷ ପୁରୁଣା ବୋଲି ଅନୁମାନ କରୁଛନ୍ତି । ମେଡାର୍ଡ ଥିରି ଏବଂ ଏନ୍ଥନୀ ମିଲ୍ସଙ୍କ ନେତୃତ୍ବରେ ଚାଲିଥିବା ଏହି ଗବେଷଣାରୁ ଜଣାପଡିଛି କି ମଣିଷମାନେ ଗୁମ୍ଫାକୁ ସାବଧାନତାର ସହ ଡିଜାଇନ୍ କରିଛନ୍ତି ଯାହା ଫଳରେ ଜଙ୍ଗଲ, ରାସ୍ତା, ହ୍ରଦ ଆଦି ସ୍ପଷ୍ଟ ଭାବେ ଜଣାପଡୁଛି । ଅର୍ଥାତ୍ ମ୍ୟାପରେ ପାଣି ପ୍ରବାହିତ ହେଉଛି, ରାସ୍ତା, ଏପରିକି ପାହାଡ ମଧ୍ୟ ଥ୍ରୀଡି ଭାବେ ଜଣାପଡୁଛି । ଗୁମ୍ଫାରେ ଘୋଡା ଓ ଅନ୍ୟ କିଛି ପଶୁପକ୍ଷୀଙ୍କ ଚିତ୍ର ମଧ୍ୟ ମିଳିଛି ।
