ନୂଆଦିଲ୍ଲୀ: ଫେବୃଆରୀ ୧୮ରୁ ୪ ଦିନ ପର୍ଯ୍ୟନ୍ତ କୁଲ୍ଭୂଷଣ ଯାଦବ ମାମଲାର ସାର୍ବଜନୀନ ଶୁଣାଣି କରିବେ ଅନ୍ତର୍ଜାତୀୟ ଅଦାଲତ । ଜାତିସଂଘର ଏହି ସର୍ବୋଚ୍ଚ ଅଦାଲତରେ ଭାରତ ଓ ପାକିସ୍ତାନ ପକ୍ଷରୁ ଜବାବ୍ ସୁଆଲ୍ ଦାଖଲ କରାଯିବ। ଭାରତ ପକ୍ଷରୁ ହରୀଶ ସାଲ୍ଭେ ପ୍ରଥମେ ଯୁକ୍ତି ଉପସ୍ଥାପନ କରିବେ। ପାକିସ୍ତାନ ପଟୁ ଖୱର୍ କୁରେସି ମଙ୍ଗଳବାର ଦିନ ଯୁକ୍ତି ବାଢ଼ିବେ। ୨୦୧୭ ମସିହାରେ ସନ୍ତ୍ରାସବାଦ ଏବଂ ଗୁପ୍ତଚର ବୃତ୍ତିରେ ଲିପ୍ତ ଅଭିଯୋଗରେ ପାକିସ୍ତାନର ଏକ ସାମରିକ ଅଦାଲତ ୪୮ ବର୍ଷ ବୟସ୍କ କୁଲଭୂଷଣଙ୍କୁ ଦେଇଥିବା ମୃତ୍ୟୁ ଦଣ୍ଡାଦେଶ ବିରୋଧରେ ଭାରତ ‘ଦି ହେଗ୍’ସ୍ଥିତ ଅନ୍ତର୍ଜାତୀୟ ଅଦାଲତରେ ଅଭିଯୋଗ କରିଥିଲା। ୧୦ ଜଣ ସଦସ୍ୟ ବିଶିଷ୍ଟ ଅନ୍ତର୍ଜାତୀୟ ଅଦାଲତର ବିଚାରକମଣ୍ଡଳୀ ମାମଲା ଫଇସଲା ନ ହେବା ପର୍ୟ୍ୟନ୍ତ କୁଲ୍ଭୂଷଣ ଯାଦବଙ୍କୁ ଫାଶି ଦଣ୍ଡ ନ ଦେବାପାଇଁ ନିର୍ଦ୍ଦେଶ ଦେଇଥିଲେ। ଇରାନ୍ ପଟୁ କୁଲଭୂଷଣ ୨୦୦୬ ମାର୍ଚ୍ଚ ୩ ତାରିଖ ଦିନ ବାଲୁଚିସ୍ତାନ ପ୍ରଦେଶରେ ପ୍ରବେଶ କଲା ପରେ ତାଙ୍କୁ ଗିରଫ କରାଯାଇଥିବା ପାକିସ୍ତାନ କହିଥିବା ବେଳେ, ନୌବାହିନୀରୁ ଅବସର ନେଇଥିବା କୁଲଭୂଷଣ ଯାଦବ ବ୍ୟବସାୟ ପାଇଁ ଇରାନ୍ ଯାଇଥିଲାବେଳେ ତାଙ୍କୁ ସେଠାରୁ ଅପହରଣ କରି ନିଆଯାଇଛି ବୋଲି ଭାରତ କହିଛି।
ଅନ୍ତର୍ଜାତୀୟ ଅଦାଲତରେ କୁଲ୍ଭୂଷଣ ମାମଲା: ଫେବୃଆରୀ ୧୮ରୁ ଶୁଣାଣି
Popular Categories
Previous article
Next article