ମୋହାଲି..- ମୋହାଲି ଷ୍ଟାଡିୟମରେ ଲାଗିଥିବା ସମସ୍ତ ପାକିସ୍ତାନ କ୍ରିକେଟିୟରଙ୍କ ଫଟୋକୁ କାଢି ଦିଆଯାଇଛି । ପୁଲଓ୍ୱାମାରେ ଆତଙ୍କବାଦୀ ଆକ୍ରମଣ ପରେ ପଞ୍ଜାବ କ୍ରିକେଟ ଆସୋସିଏସନ୍ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ମୋହାଲିରେ ଇମରାନ୍ ଖାନ୍ଙ୍କ ସମେତ ୧୫ ଜଣ ପାକିସ୍ତାନ କ୍ରିକେଟିୟରଙ୍କ ଫଟୋ ପ୍ରଦର୍ଶନ କରାଯାଇଥିଲା । ମାତ୍ର ସମସ୍ତ ଫଟୋକୁ ହଟାଯାଇଥିବା ପଞ୍ଜାବ କ୍ରିକେଟ ଆସୋସିଏସନ୍ର କୋଷାଧ୍ୟକ୍ଷ ଅଜୟ ତ୍ୟାଗୀ ସୂଚନା ଦେଇଛନ୍ତି ।
ପୂର୍ବରୁ ମୁମ୍ବାଇରେ ଥିବା କ୍ରିକେଟ କ୍ଲବ ଅଫ୍ ଇଣ୍ଡିଆରୁ ସମସ୍ତ ପାକିସ୍ତାନୀ ଖେଳାଳୀଙ୍କ ଫଟୋକୁ କାଢି ନିଆଯାଇଥିଲା । କେତକ ଫଟୋକୁ କନା ଦେଇ ସିସିଆଇର କର୍ତ୍ତୃପକ୍ଷ ଢାଙ୍କି ଦେଇଥିଲେ ।
