ନୂଆଦିଲ୍ଲୀ : ଟାଟା ମୋଟର୍ସ ନିଜ ବହୁ ପ୍ରତୀକ୍ଷିତ ଇ-ଏସୟୁଭି ହ୍ୟାରିୟର ଇଭିକୁ ଭାରତୀୟ ବଜାରରେ ଲଞ୍ଚ୍ କରିଦେଇଛି । କହିରଖୁଛୁ ଜାନୁୟାରୀରେ ଭାରତ ମୋବିଲିଟି ଗ୍ଲୋବାଲ ଏକ୍ସୋ ୨୦୨୫ରେ ଟାଟା ହ୍ୟାରିୟର ଇଭିକୁ ଶୋକେସ୍ କରାଯାଇଥିଲା । ଗ୍ରାହକଙ୍କୁ ଟାଟା ହ୍ୟାରିୟର ଇଭିରେ ୬୦୦ କିଲୋମିଟରରୁ ଅଧିକ ଡ୍ରାଇଭିଂ ରେଞ୍ଜ ମିଳିବ । ହ୍ୟାରିୟର ଇଭିର ବୁକିଂ ୨ ଜୁଲାଇରୁ ଆରମ୍ଭ ହେବ । କମ୍ପାନୀ ଏହାକୁ ଭାରତୀୟ ବଜାରରେ ୨୧.୪୯ ଲକ୍ଷ ଟଙ୍କାର ପ୍ରାରମ୍ଭିକ ଏକ୍ସ-ଶୋରୁମ୍ ଦାମରେ ଲଞ୍ଚ୍ କରିଛି ।
ଏହାର କ୍ୟାବିନରେ ଡୁଆଲ ଟୋନ୍ ଡ୍ୟାଶବୋର୍ଡ ଦିଆଯାଇଛି ଯେଉଁଥିରେ ୧୪.୫୩ ଇଞ୍ଚର ଟଚସ୍କ୍ରିନ୍ ଇନଫୋଟେଣ୍ଟମେଣ୍ଟ ସ୍କ୍ରିନ୍ ରହିଛି । ଏହାର ରାଇଟ୍ ସାଇଡରେ ଏକ ଡିଜିଟାଲ ଡ୍ରାଇଭର ଡିସପ୍ଲେ ରହିଛି । ଏହା ବ୍ୟତୀତ ଫିଚର୍ ରୂପେ ଟାଟା ହ୍ୟାରିୟର ଇଭିରେ ପାନାରମିକ ସନରୁଫ୍, ଆମ୍ବିଆଣ୍ଟ ଲାଇଟିଂ, ଭେଣ୍ଟିଲେଟେଡ୍ ଆଣ୍ଡ୍ ପାଓ୍ବର୍ଡ ଫ୍ରଣ୍ଟ ସିଟ୍, ୧୦ ସ୍ପିକ୍ ଜେବିଏଲ୍ ସାଉଣ୍ଡ ସିଷ୍ଟମ ଓ ଅଲ୍ ଡିଜିଟାଲ ଇନସାଇଡ୍ ରିୟର ଭ୍ୟୁମିରର ମଧ୍ୟ ଦିଆଯାଇଛି ।
ଏଥିରେ ୨ଟି ବ୍ୟାଟେରୀ ପ୍ୟାକ୍ ଦିଆଯାଇଛି ଯେଉଁଥିରେ ୬୫କିଲୋଓ୍ବାଟ୍ ଓ ୭୫ କିଲୋଓ୍ବାଟର ବ୍ୟାଟେରୀ ରହିଛି । ୭୫ କିଲୋଓ୍ବାଟର ବ୍ୟାଟେରୀ ପ୍ୟାକ୍ ସହିତ ଗ୍ରାହକ ଥରେ ଚାର୍ଜ କରି ୬୨୭ କିଲୋମଟିର ଡ୍ରାଇଭିଂ ରେଞ୍ଜ ପାଇପାରିବେ । ତେବେ ରିୟଲ ଓ୍ବର୍ଲ୍ଡ ମାଇଲେଜ୍ ୪୮୦ରୁ ୫୦୫ କିଲୋମିଟର । ସାଧାରଣ ଚାର୍ଜରରେ ପ୍ରାୟ ୧୦ ଘଣ୍ଟା ଲାଗୁଥିବାବେଳେ ୧୨୦ କେଡବ୍ଲୁ ଡିସି ଫାଷ୍ଟ ଚାର୍ଜରରେ ଏସୟୁଭିର ବ୍ୟାଟେରୀ ୨୫ ମିନିଟରେ ୨୦ରୁ ୮୦ ପ୍ରତିଶତ ପର୍ଯ୍ୟନ୍ତ ଚାର୍ଜ ହୋଇଯାଏ ।
