ଭବାନୀପାଟଣା: ଆଜି ମା ମାଣିକେଶ୍ଵରୀ ବିଶ୍ଵବିଦ୍ୟାଳୟର ସ୍ନାତକ ଶେଷ ବର୍ଷ ପରୀକ୍ଷା ଫଳ ପ୍ରକାଶ ପାଇଛି। ସ୍ନାତକ ପରୀକ୍ଷାଫଳ ଅନୁଯାୟୀ କଳାରେ ୬୦.୯୩, ବିଜ୍ଞାନରେ ୫୫.୮୫ ଏବଂ ବାଣିଜ୍ୟରେ ୪୦.୯୮ ପ୍ରତିଶତ ପରୀକ୍ଷାର୍ଥୀ ପାସ କରିଥିବା ପରୀକ୍ଷା ନିୟନ୍ତ୍ରଣ ସୂଚନା ଦେଇଛନ୍ତି।
ମା ମାଣିକେଶ୍ଵରୀ ବିଶ୍ଵବିଦ୍ୟାଳୟର ସ୍ନାତକ ଶେଷ ବର୍ଷ ପରୀକ୍ଷାର ସିଜିପିଏ ୯.୭୪ ନମ୍ବର ରଖି ପଦାର୍ଥ ବିଜ୍ଞାନ ଛାତ୍ର ଅମନ୍ କୁମାର ନାଏକ ବିଶ୍ଵବିଦ୍ୟାଳୟରେ ଶ୍ରେଷ୍ଠ ସ୍ଥାନ ଅଧିକାର କରି ଟପ୍ପର ହୋଇଛନ୍ତି। ବାଣିଜ୍ୟରେ ସିଜିପିଏ ୮.୮୬ ନମ୍ବର ରଖି ସ୍ନେହା ଶର୍ମା ଏବଂ କଳାରେ ସିଜିପିଏ ୮.୬୯ ନମ୍ବର ରଖି ଛଲେନ୍ଦ୍ରି ସାହୁ ଶ୍ରେଷ୍ଠ ସ୍ଥାନ ଅଧିକାର କରିଛନ୍ତି।
ଅମନ ମା ମାଣିକେଶ୍ଵରୀ ବିଶ୍ଵବିଦ୍ୟାଳୟ ସଂଯୁକ୍ତ ଯୁକ୍ତ ତିନି କଲେଜ୍ ଛାତ୍ର ହେଇଥିବା ବେଳେ ସ୍ନେହା କେସିଙ୍ଗା ମହାବିଦ୍ୟାଳୟ ଏବଂ ଛଲେନ୍ଦ୍ରି ନୂଆପଡ଼ା ନ୍ୟାସନାଲ ଡିଗ୍ରୀ କଲେଜ ଛାତ୍ରୀ ବୋଲି ଜଣାପଡିଛି। ଏଥିସହିତ ବିଶ୍ୱବିଦ୍ୟାଳୟର ବିବିଏ ଏବଂ ବିସିଏ ପରୀକ୍ଷା ଫଳ ମଧ୍ୟ ପ୍ରକାଶ ପାଇଛି।
ମା ମାଣିକେଶ୍ଵରୀ ବିଶ୍ଵବିଦ୍ୟାଳୟର ସ୍ନାତକ ପରୀକ୍ଷାଫଳ ଏହି ଲିଙ୍କ https://drive.google.com/file/d/1NBzMz5AY-RDru9GcgK7k_JWcswFcNqxK/view ରେ ଉପଲବ୍ଧ ହେଉଛି।
