ଭୁୁବନେଶ୍ୱର : ପୁଲୱାମା ଆତଙ୍କବାଦୀ ଆକ୍ରମଣକୁ ନେଇ ଏବେ ସାରା ଦେଶରେ ଶୋକାକୂଳ ପରିବେଶ ସୃଷ୍ଟି ହୋଇଛି। ସହିଦଙ୍କୁ ଶେଷ ସଲାମ ଦେବାକୁ ସମସ୍ତେ ଆଗେଇ ଆସିଛନ୍ତି। ଦୁଇ ଓଡିଆ ବୀର ସହିଦ ଯବାନ ପ୍ରସନ୍ନ କୁମାର ସାହୁ ଓ ମନୋଜ କୁମାର ବେହେରାଙ୍କୁ ଭୁବନେଶ୍ୱର ବିମାନବନ୍ଦରରେ ଶ୍ରଦ୍ଧାଞ୍ଜଳି ଅର୍ପଣ ପରେ ସେମାନଙ୍କ ଗାଁ ଅଭିମୁଖେ ପାର୍ଥିବ ଶରୀରର ଶୋଭାଯାତ୍ରା ବାହାରିଛି।
ସହିଦ ଯବାନ ପ୍ରସନ୍ନ କୁମାର ସାହୁଙ୍କ ପାର୍ଥିବ ଶରୀର ଜଗତସିଂହପୁର ଜିଲ୍ଲା ନାଉଗାଁର ପାରିଶିଖର ଅଭିମୁଖେ ଯାତ୍ରା କରିଛି। ସେହିପରି ସହିଦ ଯବାନ ମନୋଜ କୁମାର ବେହେରାଙ୍କ ପାର୍ଥିବ ଶରୀର କଟକ ଜିଲ୍ଲା ନିଆଳିର ରତନପୁର ଅଭିମୁଖେ ଯାତ୍ରା କରିଛି। ଦୁଇ କେନ୍ଦ୍ର ମନ୍ତ୍ରୀ ଜୁଏଲ ଓରାମ, ଧର୍ମେନ୍ଦ୍ର ପ୍ରଧାନ ଓ ସ୍ବାସ୍ଥ୍ୟ ମନ୍ତ୍ରୀ ପ୍ରତାପ ଜେନା ସହିଦଙ୍କ ପାର୍ଥିବ ଶରୀର ସହିତ ସେମାନଙ୍କ ଗାଁକୁ ଯାଇଛନ୍ତି।
