ବାଲିଅନ୍ତା : ହଂସପାଳ-ଅଭୟମୁଖୀ ରାସ୍ତାର ପ୍ରତାପରୁଦ୍ରପୁର ପଞ୍ଚାୟତ ପାରିବାସୁଦେଇପୁର ନିକଟରେ ମର୍ମନ୍ତୁଦ ଦୁର୍ଘଟଣା ଘଟିଛି।ଗତକାଲି ବିଳମ୍ବିତ ରାତିରେ ଏକ ଅଟୋ ଏବଂ ମୋଟର ସାଇକେଲ ମଧ୍ୟରେ ଧକ୍କା ହୋଇଥିଲା। ଫଳରେ ଜଣଙ୍କର ମୃତ୍ୟୁ ହୋଇଥିବାବେଳେ ଦୁଇ ଜଣ ଗୁରୁତର ହୋଇଥିବା ସୂଚନା ମିଳିଛି। ଘଟଣାସ୍ଥଳରେ ଉତ୍ତେଜନା ଦେଖା ଦେଇଥିଲା। ଘଣ୍ଟାଏ ପର୍ଯ୍ୟନ୍ତ ଉତ୍ତ୍ୟକ୍ତ ଲୋକେ ରାସ୍ତା ଅବରୋଧ କରିଥିଲେ। ପରେ ଖବର ପାଇ ସ୍ଥାନୀୟ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ୨ ଗୁରୁତରଙ୍କୁ ଚିକିତ୍ସା ଲାଗି ପଠାଇଥିଲା। ପରେ ପୁଲିସ୍ ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରାଇ ଗାଡ଼ି ଚଳାଚଳ ସ୍ୱାଭାବିକ କରିଥିଲା। ମୃତକ ଜୟଦେବ ପଞ୍ଚାୟତର ବାବାଜୀ ଭୋଇ ବୋଲି ଜଣାପଡିଛି। ମୋଟର ସାଇକେଲରେ ୩ ଜଣ ବ୍ୟକ୍ତି ନାଇଟ କ୍ରିକେଟ୍ ଟୁର୍ଣ୍ଣାମେଣ୍ଟ ଖେଳିବାକୁ କଟକ ଯିବା ସମୟରେ ଏଭଳି ଅଘଟଣ ଘଟିଥିବା ଜଣାପଡିଛି।
Popular Categories
Previous article
Next article