ନୂଆଦିଲ୍ଲୀ : ଭାରତୀୟ ବଜାରରେ ଏବେ ଆଇଏସଆଇ ହେଲମେଟ୍ ବ୍ୟବହାରକୁ ନେଇ କଡା ଗାଇଡଲାଇନ୍ ପ୍ରସ୍ତୁତ ହେଉଛି । ଏହା ସହିତ ସରକାର ବଜାରରେ କେବଳ ଆଇଏସଆଇ ହେଟମେଟ୍ ପ୍ରସ୍ତୁତ ଉପରେ ଗୁରୁତ୍ବ ଦେଉଛନ୍ତି । ତେବେ ବଜାରରେ ଅନେକ ପ୍ରକାର ହେଲମେଟ୍ ରହିଛି । ଏଥିରେ ଅନେକ ସ୍ମାର୍ଟ ଫିଚର୍ସ ରହିଛି । ତେବେ livall ନାମକ ଏକ ଚୀନ କମ୍ପାନୀ ହେଲମେଟ୍ ପ୍ରସ୍ତୁତ କରୁଛି ଯେଉଁଥିରେ ଅନେକ ଫିଚର୍ ରହିଛି । କମ୍ପାନୀର ପୋର୍ଟଫୋଲିଓରେ ଏମସିଓ୍ବାନ୍ ପ୍ରୋ ନାମକ ଏକ ପ୍ରିମିୟମ୍ ଓ ସ୍ମାର୍ଟ ହେଲମେଟ୍ ରହିଛି ।
ଏହି ହେଲମେଟ୍ ବ୍ଲୁଟୁଥ୍ ଇଣ୍ଟରକମ୍ ସହିତ ଆସିଥାଏ । ଆପ୍ ସାହାଯ୍ୟରେ ଏହା ଓ୍ବାକି ଟକି ଭଳି ମଧ୍ୟ କାମ କରିଥାଏ । ଏହି ହେଲମେଟ୍ ଚାରିପଟେ ସ୍ମାର୍ଟ ଲାଇଟିଂ ଦିଆଯାଇଛି । କଲ୍ ଆସିଲେ ଗୋଟିଏ କ୍ଲିକରେ ରିସିଭ୍ କରିହେବ । ଏହା ଭଏସ୍ କମାଣ୍ଡ ମଧ୍ୟ ସପୋର୍ଟ କରିଥାଏ । ଏଥିରେ ହାଇ-ଫାଇ ଷ୍ଟେରିଓ ଦିଆଯାଇଛି । ତେବେ ଖାସ୍ କଥା ହେଉଛି ଏଥିରେ ୧୦୮୦ ପିକ୍ସେଲ ଫ୍ରଣ୍ଟ୍ କ୍ୟାମେରା ମିଳିଥାଏ । ଏହା କେବଳ କଳା ରଙ୍ଗରେ ହିଁ ମିଳିଥାଏ । ଥରେ ଚାର୍ଜ କଲେ ଏହା ୮ରୁ ୧୦ ଘଣ୍ଟା ପର୍ଯ୍ୟନ୍ତ ବ୍ୟାକଅପ୍ ଦେଇଥାଏ । ଏହାର ଦାମ୍ କମ୍ପାନୀ ୬୦ ହଜାର ଟଙ୍କା ରଖିଛି ।
