ସମାଜ ଡିଜିଟାଲ ଡେସ୍କ: ଜାତୀୟ ପତାକାକୁ ନେଇ ସମସ୍ତ ଭାରତୀୟଙ୍କ ମନରେ ସମ୍ମାନ ରହିଛି। ହେଲେ ରାଜନେତାମାନଙ୍କଠାରେ ଜାତୀୟ ପତାକା ପ୍ରତି ସମ୍ମାନ ଦେଖିବାକୁ ମିଳୁନାହିଁ। ଜାତୀୟ ପତାକାରେ ଝାଳ ପୋଛି ବିବାଦ ଘେରକୁ ଆସିଛନ୍ତି ବିଜେପି ବିଧାୟକ ବାଲମୁକୁନ୍ଦ ଆଚାର୍ଯ୍ୟ। ଏହାର ଭିଡିଓ ସାମାଜିକ ଗଣମାଧ୍ୟମରେ ପ୍ରଘଟ ହେବା ପରେ କଂଗ୍ରେସ ବିଧାୟକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛି।
ରାଜସ୍ଥାନର ବିଧାୟକ ବାଲମୁକୁନ୍ଦ ଆଚାର୍ଯ୍ୟ ବିଭିନ୍ନ କାର୍ଯ୍ୟକୁ ନେଇ ଅନେକ ସମୟରେ ଚର୍ଚ୍ଚାରେ ରହିଥାଆନ୍ତି। ଅପରେସନ ‘ସିନ୍ଦୂର’ର ସଫଳତାକୁ ନେଇ ବିଜେପି ଦେଶବ୍ୟାପୀ ତ୍ରିରଙ୍ଗା ଯାତ୍ରା କରୁଛି। ରାଜସ୍ଥାନରେ ତ୍ରିରଙ୍ଗା ଯାତ୍ରା ସମୟରେ ବିଧାୟକ ଆଚାର୍ଯ୍ୟ ହାତରେ ଧରିଥିବା ଜାତୀୟ ପତାକାରେ ନିଜ ମୁହଁର ଝାଳ ପୋଛୁଥିବା ଦେଖିବାକୁ ମିଳିଛି।
ଏହା ସାମ୍ନାକୁ ଆସିବା ପରେ ପ୍ରଦେଶ କଂଗ୍ରେସ ପକ୍ଷରୁ ବିଧାୟକ ଏବଂ ବିଜେପିକୁ ସମାଲୋଚନା କରାଯାଇଛି। ବିଧାୟକ ଜାତୀୟ ପତାକାକୁ ଅପମାନିତ କରିଥିବାରୁ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ କଂଗ୍ରେସ ଦାବି କରିଛି।
तिरंगे का अपमान — शर्मनाक दृश्य!
भाजपा विधायक बालमुकुंद आचार्य तिरंगे से नाक साफ करते कैमरे में कैद!
क्या यही है राष्ट्रभक्ति का चेहरा?#TirangaKaApmaan #BJPMLA #BalmukundAcharya #RespectTheFlag #NationalFlagAct #Shameful #RahulGandhi #RajnathSingh pic.twitter.com/8K3eL8oEwX
— “क़ातिल की नज़र (@rajasthanipapa) May 15, 2025
