ନୂଆଦିଲ୍ଲୀ: କୌଣସି ଟେଲିଭିଜନ(ଟିଭି) ଚ୍ୟାନେଲରେ ଯୁଦ୍ଧ ସତର୍କତା ସାଇରନ ବାଜିବ ନାହିଁ। ସିଭିଲ ଡିଫେନ୍ସ ଏୟାର ରେଡ୍ ସାଇରନ ବାଜିବା ମନା କରାଯାଇଛି। ସଚେତନ କରିବା ଡ୍ରାଇଭ ବ୍ୟତୀତ ଅନ୍ୟ ପାଇଁ ଏହା ବ୍ୟବହାର କରିବାକୁ ମନା କରାଯାଇଛି ବୋଲି କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ଜାରି ହେଲା ନିର୍ଦେଶନାମା ଜାରି ହୋଇଛି।
କେନ୍ଦ୍ର ଗୃହ ମନ୍ତ୍ରଣାଳୟ ସମସ୍ତ ଟେଲିଭିଜନ ଚ୍ୟାନେଲକୁ ସିଭିଲ ଡିଫେନ୍ସ ଏୟାର ରେଡ୍ ସାଇରନ୍ ନ ବଜାଇବା ପାଇଁ ନିର୍ଦ୍ଦେଶ ଦେଇଛି। ଏହା ଏକ ପ୍ରକୃତ ଜରୁରୀକାଳୀନ ପରିସ୍ଥିତିରେ ଜନସାଧାରଣଙ୍କୁ ସଚେତନ କରିବା ଏବଂ ସମ୍ଭାବ୍ୟ ବିପଦକୁ ରୋକିବା ପାଇଁ ବ୍ୟବହାର ହୋଇଥାଏ। ଟେଲିଭିଜନ(ଟିଭି) ଚ୍ୟାନେଲରେ ଯୁଦ୍ଧ ସତର୍କତା ସାଇରନ ବାଜିବk ଦ୍ବାରା ଲୋକମାନେ ଭୁଲବଶତଃ ଏହା କେବଳ ଏକ ଟିଭି ପ୍ରସାରଣ ବୋଲି ଭାବିପାରନ୍ତି।
ଭାରତ ଏବଂ ପାକିସ୍ତାନ ମଧ୍ୟରେ ଚାଲିଥିବା ବିବାଦ ଯୋଗୁଁ ଉତ୍ତେଜନା ବୃଦ୍ଧି ପାଇବା ମଧ୍ୟରେ ଟେଲିଭିଜନ(ଟିଭି) ଚ୍ୟାନେଲରେ ଯୁଦ୍ଧ ସତର୍କତା ସାଇରନ ନ ବଜେଇବା ପାଇଁ ସବୁ ଟେଲିଭିଜନ ଚ୍ୟାନେଲକୁ ପରାମର୍ଶ ଦିଆଯାଇଛି। ଗୃହ ମନ୍ତ୍ରାଳୟ ଜାରି କରିଥିବା ନିର୍ଦେଶାନାମା ଉଲ୍ଲଙ୍ଘନ କଲେ ଟେଲିଭିଜନ ଚ୍ୟାନେଲଗୁଡ଼ିକ ବିରୋଧରେ ଦୃଢ଼ କାର୍ଯ୍ୟାନୁମଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି।
